میصرین سابیق ناظیری ایتالیادا گوزآلتینا آلیندی

میصرین کئچمیش ناظیری و قاباقجیل موخالیف لردن محمد محسوب قاهره رهبرلیگی‌نین طلبی اساسیندا ایتالیادا گوز آلتینا آلینیب.

میصرین سابیق ناظیری و قاباقجیل موخالیف‌لردن بیری محمد محسوب تویتر واسطه‌سیله پایلاشدیغی آچیقلامادا میصرین طلبی اساسیندا کاتانیا شهری یاخین‌لاریندا اوچ ساعت ساخلانیلدیغینی بیلدیردی.

محسوب سوسیال پایلاشما سایت‌لاریندا یئرلشدیردیگی ویدئودا ایسه ایتالیانین جنوبونداکی راگوزا شهری‌نین کمیزو قصبه‌سینده پولیس مرکزینده توتولدوغونو قئید ائتدی.

اونا قارشی دلدوزلوق و دؤولت مالینی منیم‌سه‌مک کیمی "اویدورما" اتهام‌لار ایره‌لی سورولدوگونوی بیل‌دیرن ماحصوب اؤلکه‌سی‌نین آزادلیغینی مودافعه ائتدیگی کیمی سون نفسینه قدر اؤز آزادلیغینی ده مودافعه ائدجگینی قئید ائتدی.

محسوب سئچکی‌لر نتیجه‌سینده وظیفه‌یه گلن پرزیدنت محمد مورسی‌نین حربی چئوریلیشله وظیفه‌سیندن اوزاقلاشدیریلدیغی 2013-جو ایلین ژوئیه دن سونرا میصردن گئتمیش و فرانسادا یاشاماغا باشلامیشدی.

مورسی دؤورونده قیسا بیر دؤورده حقوق مسئله‌لری عذره دؤولت ناظیری اولان محمد محسوب 2015-جی ایلده میصر محکمه‌سی طرفیندن 3 ایل شرطی حبس جزاسینا محکوم ائدیلدیک‌دن سونرا 2016-جی ایلده اینترپولون قیرمیزی بولتی ایله آختاران‌لار سیاهی‌سینا علاوه اولونموشدو.