قوزئی کوره دن ژاپونیانین موشک قالخانی پلانینا اعتراض

قوزئی کوره مئدیاسی، ژاپونیانین، پیونگ یانگ‌دان گئده بیله‌جک موشک تهدیدلرینه قارشی ساحله چیخیش‌لی "آگیس آشور" موشک ساوونما سیستمی یئرلش‌دیرمک پلانینی تنقید ائتدی

1021641
قوزئی کوره دن ژاپونیانین موشک قالخانی پلانینا اعتراض

قوزئی کوره دن ژاپونیانین موشک قالخانی پلانینا اعتراض

قوزئی کوره مئدیاسی، ژاپونیانین، پیونگ یانگ‌دان گئده بیله‌جک موشک تهدیدلرینه قارشی ساحله چیخیش‌لی "آگیس آشور" موشک ساوونما سیستمی یئرلش‌دیرمک پلانینی تنقید ائتدی.

کیودو آژانسی‌نین خبرینه گؤره، قوزئی کوره نین رودونگ سینمون قزئتینده یئر آلان خبرده، ژاپونیا حکومتی‌نین پیونگ یانگ ا قارشی آگیس آشور سیستمی یئرلش‌دیرمک پلانی، "ژاپون رژیمی‌نین، آرتان ناراحات‌لیق‌لاری و خالقین راحاتسیز‌لیغینی یاتیرماق اوچون حیله‌گر بیر اویونو" کیمی سجیلندیریلیب.

ژاپونیانین، کوره یاریماداسین‌داکی گرگینلیگین آزالدیلماسینی و آنلاشمانی پوزماغا چالیشدیغینی ایره‌لی سورولدوگو خبرده، "ژاپونیانین، گئجیکدیگی حالدا باریش یؤنه‌لیک بؤلگه سل دوروما آیاق اویدورماسی یاخشی اولار." ایفاده‌سینه یئر وئریلیب.

ژاپونیا، قوزئی کوره‌دن گئده بیله‌جک مومکون نوکلئر سیلاحی و یا موشک تهدیدینه قارشی آکتا و یاماگوچی بؤلگه‌لرینه آگیس آشور سیستمی یئرلشدیرمگی پلانلاشدیریر.

ژاپون حکومتی، 2017نین دسامبر آییندا، قوزئی کوره نین نوکلور و موشک پروقرامینا قارشی آمریکا‌نین گلیشدیردیگی آگیس موشک ساوونما سیستمینی ساتین آلما پلانینی قبول ائتمیشدی.

حکومتین راضی‌لیق وئردیگی پلان چرچیوه‌سینده ژاپونیایا، اؤلکه اراضی‌سی‌نین هامی‌سینی قورویا‌جاق و 2023-جی ایلده موسسیسه‌یه 2 آگیس آشور سیستمی یئرلشدیریله جگی بیلدیریلمیشدی.

ژاپونیا ساوونما ناظیرلیگی، کئچن آی ایلک باطرینین اؤلکه‌نین قوزئین‌دکی آکتا شهرینه قونوشلاندیریلما ایشلری‌نین باشلانیلماسی اوچون یئرلی رهبرلره ایجازه ایستمشدی.

دیگر طرف‌دن، بو آیین اوّلینده "آساهی شیمبون" قزئتی‌نین، آدی آچیقلانمایان ساوونما منبع‌لرینه اساسلاندیردیغی خبرینده، ژاپونیا اؤز ساوونما گوجلری‌نین، آتیلان موشک‌لری قارشی‌سینی آلماق و آشکار ائتمک اوچون ژاپون دنیزینده دایم آگیس ساواش گمی‌لری آلما پروقرامینی قویدوغو آنجاق ژاپون گوجلری‌نین جاسوس اویدو گؤرونتولری اوزرین‌دن آشکار ائدیلن موشک‌لری انگللمک اوچون حاضیر اولا‌راق قالاجاغی بیلدیریلمیشدی.



ایلگیلی‌لی خبرلر