بریکس ذیروه ییغینجاغینین یئکون بیاننامه‌سی

جنوبی افریقانین ژوهانسبورگ شهرینده کئچیریلن 10-جو برزیل، روسیا، هندوستان، چین و جنوبی افریقا (بریکس) ذیروه توپلانتی‌سیندا قبول ائدیلن یئکون بیاننامه ایله علاقه‌لی آچیقلاما وئریلدی.

1020882
بریکس ذیروه ییغینجاغینین یئکون بیاننامه‌سی

جنوبی افریقانین ژوهانسبورگ شهرینده کئچیریلن 10-جو برزیل، روسیا، هندوستان، چین و جنوبی افریقا (بریکس) ذیروه توپلانتی‌سیندا قبول ائدیلن یئکون بیاننامه ایله علاقه‌لی آچیقلاما وئریلدی.

یئکون بیاننامه‌ده شفاف و چوخ طرف‌لی تیجارت سیستمی‌نین دستکلنمه‌سی و دونیانین موختلیف بؤلگه‌لرینده داوام ائدن توققوشما‌لارا سون قویولماسی اوچون چاغیریش ائدیلدی.

بیاننامه‌ده وورغولاندی کی، دونیا تیجارت تشکیلاتی اساس‌لاری چرچیوه‌سینده شفاف و چوخ طرف‌لی تیجارت سیستمینی دستکلییر و یئنی‌دن تصدیقلییریک. چوخ طرف‌لی تیجارت سیستمی‌نین بنزری اولمایان چتین‌لیک‌لرله قارشی-قارشییا اولدوغونو بیلیریک و شفاف دونیا ایقتیصادیاتی‌نین داشیدیغی اهمیتی وورغولاماق ایستییریک.

انرژی ساحه‌سینده قبول ائدیلن قرارلارلا علاقه‌لی ایسه یئکون بیاننامه‌ده بیلدیریلیب کی، بریکس-ین انرژی ناظیرلری، بریکس انرژی آراشدیرما امکداش‌لیق پلاتفورمونون قورولماسینا دایر راضی‌لیق الده اولوندو.

ذیروه ده انرژی ساحه‌سیله یاناشی سو پروبلئمی و تاریم کیمی موختلیف ساحه‌لرده امکداش‌لیق اوچون آددیم‌لار دا آتیلدی.

دیگر طرف‌دن یئکون بیاننامه‌ده بریکس عضوو اؤلکه‌لرین اورتا دوغو و شیما‌لی افریقا باشدا اولماقلا دونیانین موختلیف بؤلگه‌لرینده داوام ائدن توققوشما‌لارا سون قویماسی، فیلیسطین-ایسراییل توققوشماسی، سوریه و یمن‌دکی بحرانین داها چوخ داوام ائتمه‌مه‌سینین واجیب‌لیگی باره‌ده ده همفیکیر اولدوق‌لاری وورغولاندی.

بیاننامه‌ده "خصوصیله فیلیسطین-ایسراییل موناقیشه‌سی کیمی اوزون مودت‌لی توققوشما‌لارین حلی تاخیره سالینماما‌لی‌دیر. قودس پروبلئمی ایله علاقه‌لی اولا‌راق ایسراییل ایله فیلسطین آراسینداکی دانیشیق‌لار چرچیوه‌سینده قرار وئریلمه‌لی‌دیر" ایفاده‌سی یئر توتدو.

بمت یاخین دوغو فیلیسطین موهاجیرلرینه یاردیم آژانسینا (UNRWA)  تام دستک وئریله جگینی بیلدیرن بریکس عضو‌لری "تقریباً 5،3 میلیون فیلیسطین‌لی موهاجیره تعلیم و ساغلیق باشدا اولماقلا موختلیف ساحه‌لردکی دستکینه" گؤره UNRWA--نی تبریک ائتدی.

ذیروه توپلانتی‌سی بوگون "بریکس افریقا Outreach ایجلاسی" و "BRICS Plus"  چرچیوه‌سینده دعوت ائدیلن دؤولت ناظیرلری‌نین دانیشیق‌لاری ایله باشا چاتاجاق.  



ایلگیلی‌لی خبرلر