ترامپ: "روسیا دموکرات‌لاری دستکله‌یه‌جک"

امریکانین پرزیدنتی دونالد ترامپ تویتر واسطه‌سیله وئردیگی آچیقلامادا روسیانین نوبتی سئچکی‌لره موداخیله ائده بیله‌جگی ایستیقامتینده خبردارلیق ائتدی.

1019603
ترامپ: "روسیا دموکرات‌لاری دستکله‌یه‌جک"

امریکانین پرزیدنتی دونالد ترامپ روسیانین امریکادا کئچیریله‌جک نوبتی سئچکی‌لرده دموکرات‌لارین خیرینه سئچکی‌لره موداخیله ائتمه‌یه چالیشاجاغینی بیلدیردی.

امریکانین پرزیدنتی دونالد ترامپ تویتر واسطه‌سیله وئردیگی آچیقلامادا روسیانین نوبتی سئچکی‌لره موداخیله ائده بیله‌جگی ایستیقامتینده خبردارلیق ائتدی.

آچیقلامادا دئییلیر: "روسیانین گله‌جک سئچکی‌لره تأثیر ائتمک اوچون سعی گؤسترجگینه دایر چوخ جدی قایغی‌لاریم وار. مندن داها چوخ هئچ بیر پرزیدنتین روسیایا قارشی داها سرت اولمادیغینی نظره آلساق، سرت بیر شکیلده دموکرات‌لاری دستکله‌یه‌جک‌لر. قطعین ترامپی ایستمیرلر".

امریکادا دموکرات‌لار روسیانین ترامپین غلبه چالدیغی 2016-جی ایل پرزیدنت‌لیک سئچکی‌لرینه موداخیله‌سی ایله باغلی موباحیثه‌لر داوام ائدیر.

ترامپ روسیا پرزیدنتی ولادیمیر پوتین ایله اؤتن هفته فینلاندیانین پایتاختی هلسینکی-ده گؤروشدوگو توپلانتی دا وئردیگی آچیقلاما‌لار اوزون‌دن امریکادا کنگره و مئدیا طرفیندن سرت شکیلده تنقید ائدیلمیشدی.

روسیا ایله یاخین علاقه‌ده اولماسی ایله باغلی تنقیدلری جدییه آلمایان ترامپ روسیا پرزیدنتی ولادیمیر پوتینی پاییزدا واشینقتونا دعوت ائتدیگینی بیلدیرمیشدی.



ایلگیلی‌لی خبرلر