مالزیده، 900دن آرتیق آدامی‌نین بانک حسابی دوندورولوب

مالزیده، کئچمیش باش ناظر نجیب رزّاق ین داها اوّل باش باشقانلیغینی ائتدیگی بیرلشمیش مالای میللی پارتیسی (UMNO) عضو‌لری باشدا اولماقلا 900دن آرتیق آدامی‌نین بانک حسابی دوندورولوب.

" Free Malaysia Today" قزئتینده یئر آلان خبره گؤره، یاسادیشیلیغا قارشی موباریزه کومیسیونو، (MACC) نجیب-ین ده آدی‌نین کئچدیگی

 "(  Malaysia Development Bhd-(1MDB) " یاسادیشیلیق آراشدیرماسی چرچیوه‌سینده بو قراری آلدی.

مالزی باش ناظیری ماهاتیر محمد، موضوع ایله باغلی ائتدیگی آچیقلامادا، آلینان قرارین ائدیلمه‌سی لازیم اولان بیر پروسه اولدوغونو قئید ائده‌رک،

مالای میللی پارتیسینین صاحب اولدوغو یوز میلیون‌لارلا دو‌لارین هارا‌دان گلدیگینی بیلمک لازیم‌دیر. اگر بو پول‌لار 1MDB آدلی یاتیریم شیرکتین‌دن گلیرسه، بو پول‌لارین دولته قایتاریلماسینی ایستییریک." ایفاده‌لرینی ایستیفاده ائتدی.

ماهاتیر، بانک حساب‌لاری‌نین دوندورولما مدتی‌نین یاسادیشیلیغا قارشی موباریزه کومیسیونونون ایشلرینه باغلی اولدوغونو سؤزلرینه علاوه ائدیب.

دیگر طرف‌دن، مالزی حکومتی‌نین، اؤلکه‌نین خاریجی بورج‌لاری‌نین اؤدنمه‌سی اوچون خالقین دستگینی نظرده توتان "اومید فونونو" فعالیته کئچیرمه‌سی بیر آیدا 33 میلیون دو‌لار توپلانیب.

مالزی خالقی، بیر آی اوّل فعالیته باشلایان فوند اوچون یالنیز ایلک گون 1.76 میلیون دو‌لار باغیش ائتمیشدی.

مالزینین کئچمیش باش ناظیری نجیب رزّاق دؤورون‌دن قالان تخمینن 252 میلیارد دو‌لار بورجو وار.

اؤلکه خرج‌لری‌نین آزالدیلماسی اوچون گؤرولن تدبیرلر چرچیوه‌سینده ناظیرلرین معاش‌لاری یوزده 10 آزالدیلمیشدی.

اومید فونونو فعالیته کئچیرن باش ناظیر ماهاتیر محمد، اؤتن آی کئچیریلن پارلامنت سئچیم‌لری قازانا‌راق، وظیفه‌یه گلنده اؤلکه نی یئنی‌دن اینشا ائتمه‌یه دعوت ائتمیشدی.

موستقیل‌لیگینی اعلان ائتدیگی 1957دن بو یانا اؤلکه نی ایداره ائدن مالای میللی پارتیسینین کئچمیش باش صدری نجیب، اؤتن آی کئچیریلن سئچیم‌لری اودوزموشدو.

اؤلکه تاریخی‌نین ان بؤیوک یاسادیشیلیق آراشدیرماسی کیمی آدلاندیریلان 1MDB-ه آدی کئچن نجیپ-ین ائولرینده آختاریش آپاریلمیش، اله کئچیریلن نقد پول، جواهیرات و لوکس چانتا‌لارین دگری‌نین، 224 ایله 273 میلیون دو‌لار اولدوغو آچیقلانمیشدی.

سوروشدورمادا یئر آلان سندلره گؤره، شیرکته باغلی آژانس‌لار، بانک‌لار و تشکیلات‌لار واسطه‌سیله نجیپ ین شخصی بانک حساب‌لارینا 681 میلیون دو‌لار ترانسفر ائدیلدیگی ایره‌لی سورولموشدو.

مالزی‌لی‌لرین نجیپین محاکیمه اولونماسی اوچون گون‌لرله اعتراض‌لار کئچیریب.

مالزی باش ساوجیلیغی، نجیپین بئش شخصی حسابین‌داکی 681 میلیون دو‌لارین، سعودی کرال عائله‌سی‌نین شخصی بحشیشی اولدوغونو آچیقلامیش، سعودی حکومتی‌نین بونو تصدیقلمه‌سی نجیپ، یاسادیشی ایشلر ادعالاریندان‌ یوموشدو.

نجیپین اؤتن آی کئچیریلن پارلامنت سئچیم‌لری اودوزماسی حاقین‌داکی سوروشدورما، یئنی باش ناظیر ماهاتیر محمدین تعلیماتی ایله تکرار آچیلمیشدی.