امریکادا قزئت بیناسینا سلاحلی هوجوم: ان آزی 5 اؤلوب

امریکانین پایتاختی واشینگتن-ا 1 ساعت‌لیق مسافه‌ده یئرلشن آناپولیس شهرینده "کاپیتال قزئت" آدلی یئرلی قزئتین بیناسینا سلاح‌لی هوجوم تشکیل اولوندو.

1002163
امریکادا قزئت بیناسینا سلاحلی هوجوم: ان آزی 5 اؤلوب

امریکانین پایتاختی واشینگتن-ا 1 ساعت‌لیق مسافه‌ده یئرلشن آناپولیس شهرینده "کاپیتال قزئت" آدلی یئرلی قزئتین بیناسینا سلاح‌لی هوجوم تشکیل اولوندو.

مریلند والیسی لاری هوقان هوجومدا چوخ سایدا اؤلو و یارا‌لی‌نین اولدوغونو آچیقلادی، لاکین تحقیقات یئنی باشلادیغی اوچون اؤلو سایی حاقیندا ایندیکی مرحله‌ده معلومات وئره بیلمه‌یه‌جگینی بیلدیردی.

پولیس رسمی‌سی ده تجاووزکار اولدوغو دوشونولن بیر شوبهه‌لی‌نین نظارته گؤتورولدوگونو قئید ائتدی.

امریکا مئدیاسینا موصاحیبه وئرن و آدی آچیقلانمایان پولیس صلاحیت‌لی‌لری ایسه، قزئت بیناسینا گیرن سلاح‌لی تجاووزکارین ان آزی 5 نفری اؤلدوردوگونو آچیقلاییب‌لار.

خبرلرده عکس اولونان ادعا‌لارا گؤره، قزئتین خبر اوتاغینا گیرن تجاووزکار خبر رئداکتورو دا داخیل اولماقلا، چوخ سایدا ایشچینی هدف آلیب.

آغ ائو امریکا پرزیدنتی دونالد ترومپین هوجوملا باغلی معلومات آلدیغینی و قوربان‌لارین یاخین‌لارینا باش ساغلیغی وئردیگینی آچیقلادی.



ایلگیلی‌لی خبرلر