آوروپا بیرلیگی‌نین 9 اؤلکه‌سی نیظامی گوج یاراتماغا حاضیرلاشیر

آوروپا بیرلیگی عضوو اولان 9 اؤلکه، بیرلیک‌دن موستقیل اولا‌راق بحران دؤورونده سرعت‌لی بیر شکیلده موداخیله آسان‌لاش‌دیرا‌جاق بیر نیظامی گوج یاراتماق اوچون نیّت مکتوبو ایمضالاییب

999816
آوروپا بیرلیگی‌نین 9 اؤلکه‌سی نیظامی گوج یاراتماغا حاضیرلاشیر

آوروپا بیرلیگی-نین 9 اؤلکه‌سی نیظامی گوج یاراتماغا حاضیرلاشیر

آوروپا بیرلیگی عضوو اولان 9 اؤلکه، بیرلیک‌دن موستقیل اولا‌راق بحران دؤورونده سرعت‌لی بیر شکیلده موداخیله آسان‌لاش‌دیرا‌جاق بیر نیظامی گوج یاراتماق اوچون نیّت مکتوبو ایمضالاییب.

لوکزامبورگ‌دا آوروپا بیرلیگی خاریجی ایشلر شوراسی اوچون بیر آرایا گلن 9 اؤلکه‌نین ساوونما ناظیرلری، "آوروپا موداخیله تشببوسو" اولا‌راق آدلان‌دیریلان و بحران وضعیت‌لرینده نیظامی گوجلرین سرعت‌لی بیر شکیلده حرکته کئچیریلمه‌سینی نظرده توتان ساوونما امکداش‌لیغی پروژه‌سی اوچون نیّت مکتوبونا ایمضا آتدی.

فرانسانین باشچی‌لیغی آلتیندا اورتایا چیخان تشببوسه آلمانیا، بلژیک، بؤیوک بریتانیا، دانمارک، هولند، استونی، ایسپانیا و پورتغال قاتیلیب.

حاضیردا عائله آیری‌لیق پروسئسینه دایر موذاکیره‌لر آپاران اینگیلتره‌نین تشببوسه داخیل اولماسی ایسه دقتی چکدی.

تشببوسون اینگیلتره‌نین بیرلیک‌دن آیریلدیق‌دان سونرا دا عضو اؤلکه‌لرله ساوونما ساحه‌سینده ایش بیرلیگینی داوام ائتدیرمه‌سینه ایمکان وئرجگی گومان ائدیلیر.

تشببوس ایچینده آپاریلا‌جاق عملیات‌لارا اؤلکه‌لرین دستک وئریب وئرمه‌یه‌جک ایسه میللی بیر قرار اولاجاغی بیلدیریلیر.

آوروپا بیرلیگی ایچینده 9 اؤلکه‌نین دیگر عضو‌لردن موستقیل شکیلده حرکت ائده‌رک ساوونمایا یؤنه‌لیک بیرگه آددیم آتماق قراری، بیرلیک ایچینده پارچالانمایا یول آچا بیله‌جگی مولاهیزه‌لرینی برابرینده گتیردی.



ایلگیلی‌لی خبرلر