ترامپین، یئنی گؤمروک وئرگیسی، جی-7 عضوو اولکه‌لردن تئپکی گؤردو
دونیانین ان بؤیوک ایقتیصادینا مالیک گلیشمیش 7 اؤلکه‌دن اولوشان جی-7 گروبونون، کانادانین بریتیش کولومبیا ایالتینه باغلی ویشتلر شهرینده 3 گون داوام ائدن مالیه ناظیرلری توپلانتی‌سی باشا چاتیب
آمریکانین پرزیدنتی دونالد ترامپین، ایدخال پولاد و آلومینیوم قارشی یئنی گؤمروک وئرگیسی تطبیق ائتمه‌لری، جی-7 عضوو اولکه‌لردن تئپکی گؤردو.
دونیانین ان بؤیوک ایقتیصادینا مالیک گلیشمیش 7 اؤلکه‌دن اولوشان جی-7 گروبونون، کانادانین بریتیش کولومبیا ایالتینه باغلی ویشتلر شهرینده 3 گون داوام ائدن مالیه ناظیرلری توپلانتی‌سی باشا چاتیب.
ایجلاسا صدرلیک ائدن کانادا مالیه ناظیری بیلل مورنیه ائتدیگی آچیقلامادا، قروپون آمریکا خاریجین‌دکی آلتی عضوو ایله آوروپا بیرلیگی نماینده‌سی‌نین، ترامپین اآمریکا تیجارت ایشلری باره‌سینده تطبیق ائتمه‌لرین‌دن "ناراحات‌لیق و خیال قیریق‌لیغی" دویدوغونو آچیقلاییب.
ناظیر مورنیه، آچیقلادیغی ایجلاس بیرگه بیاناتیندا قروپون آلتی عضوو ایله آوروپا بیرلیگی‌نین آمریکانین یئنی گؤمروک طریفه‌لرینه قارشی بیرلشدیگینی بیلدیریب.
واشینگتونا مراجعت ائده‌رک، طریفه‌لرین حیاتا کئچیریلمه‌سینی گئری چکمه‌سینی ایسته‌ین بیلل مورنیه، آمریکا خزینه ناظیری استیون منوچین‌دن ده 8-9 ژوئن تاریخ‌لری آراسیندا کانادادا کئچیریله‌جک اولان جی-7 لیدرلر ایجلاسین‌دان اوّل مساژلارینی باشقان ترامپا چاتدیرماغی ایسته‌دی.
