روسیا قیریم-دن و اوکراینانین شرقیندن چکی‌لنه قدر تحریملر داوام ائده‌جک

بونو امریکانین بمت-دکی دایمی نماینده‌سی نیکی هیلی بیلدیردی.

982281
روسیا قیریم-دن و اوکراینانین شرقیندن چکی‌لنه قدر تحریملر داوام ائده‌جک

امریکانین بیرلشمیش میللتلرده کی دایمی نماینده‌سی نیکی هیلی  بمت تهلوکه‌سیزلیک شوراسی‌نین اوکراینا‌داکی پروسئس‌لرله باغلی کئچیردیگی توپلانتی‌سیندا چیخیش ائده‌رک، روسیانین اوکراینانین شرقیندکی فعالیت‌لرینی و قیریم-نین (کریمه) ایلحاقینی شدتله قینادیق‌لارینی بیلدیردی.

هیلی: "روسیا اوکراینا‌داکی چیرکین فعالیت‌لرینه سون وئرنه قدر امریکانین موضعی دییشمه‌یه‌جک. روسیا قیریم-دن و اوکراینانین شرقیندن چکیلیب، مینسک موقاویله‌سینه رعایت ائدنه قدر تحریملریمیز داوام ائده‌جک" دئدی.

هیلی روسیانی مالزی هاوا یول‌لارینا عایید MH17 سفر سایلی یولجو طیاره‌سی‌نین وورولماسینا گؤره مسئولیتی قبول ائتمه‌یه و بونونلا باغلی آپاریلان سوروشدورما ایله امکداش‌لیق ائتمه‌یه چاغیردی.

دیگر طرفدن روسیانین بمت-دکی دایمی نماینده‌سی واسیلی نبنزیا ایسه امریکانین روسیا علیهینه تبلیغات آپاردیغینی سؤیله‌دی.

هئچ کیمله ساواش ائتمه‌دیک‌لرینی قئید ائدن نبنزیا اوکراینانی دا آتشکه‌سی پوزماقدا و موناقیشه‌لری قیزیش‌دیرماقدا گوناهلاندیردی.

مالزی هاوا یول‌لارینا عایید MH17 سفر سایلی یولجو طیارسینیننین وورولماسی مسئله‌سی ایله باغلی مسئولیت ادعا‌لارینی دا رد ائدن نبنزیا اعتبارلی و شفاف سوروشدورمانین واجیب‌لیگینی قئید ائتدی.



ایلگیلی‌لی خبرلر