روسیا اونیورسیته‌لرینده، 500 سوریه‌لی اؤیرنجی پول‌سوز تحصیل آلا‌جاق

روسیا خاریجده یاشایان وطنداش‌لار و اولوسلار آراسی آژانسی (Rossotrudniçestvo)، روسیا دولت عالی مکتب‌لرینه بو ایل سوریه‌دن 500 اؤیرنجی‌نین پول‌سوز تحصیل آلاجاغینی بیلدیریب

979760
روسیا اونیورسیته‌لرینده، 500 سوریه‌لی اؤیرنجی پول‌سوز تحصیل آلا‌جاق

روسیا اونیورسیته‌لرینده، 500 سوریه‌لی اؤیرنجی پول‌سوز تحصیل آلا‌جاق.

روسیا خاریجده یاشایان وطنداش‌لار و اولوسلار آراسی آژانسی (Rossotrudniçestvo)، روسیا دولت عالی مکتب‌لرینه بو ایل سوریه‌دن 500 اؤیرنجی‌نین پول‌سوز تحصیل آلاجاغینی بیلدیریب.

روسیا خاریجده یاشایان وطنداش‌لار و اولوسلار آراسی آژانسی مسئولو وادیم زایچیکوو، مطبوعات نماینده‌لرینه وئردیگی آچیقلامادا، روسیانین بو ایل سوریه‌دن گلن 500 طلبه نامیزدینه پول‌سوز تحصیل آلماق حاقی تانیدیغینی بیلدیردی.

زایچیکوو،

بیرکاچ ایل اوّل سوریه‌یه آیریلان سهم 200 نفر، 2017-جی ایلده سهم 455 نفر چیخاریلیب، 2018-جی ایلده ایسه 500 نفر اونیورسیته‌لره گیره‌بیله‌جک. سوریه‌دکی ساواش باشا چاتیر و ایندی اؤلکه ایقتیصادی‌نین برپاسی اوچون میللی کادرلاری حاضیرلاماق اؤنملی. بونونلا یاناشی 50 دیل متخصصی و روس دیل معلمی دیپلوم آلماسینی پلان‌لاش‌دیریریق، بو اینسان‌لار سوریه‌یه دؤنوب روس دیلینده تحصیل وئره‌جک" دئیه دانیشدی.

زایچیکووا گؤره روسیادا تحصیل آلا‌جاق طلبه نامیزدلری سئچمه‌لری 2 مرحله‌لی اولا‌راق کئچیریلیب. ایلک فازادا سوریه‌لی گنج‌لرین مکتب قیدلری قیمتلندیریلیب، ایکینجی مرحله‌یه طلبه نامیزدلری موصاحیبه کئچیریلیب.

مراجعت ائدن عمومیتده 2 مین 60 نفرین آراسیندا سئچیله‌جک اولان طلبه نامیزدلری، روسیانین خاریجی طلبه تحصیل لیسانسی اولان هر هانسی بیر دولت اونیورسیته‌سینده تحصیل آلما حقوقو قازانا‌جاق.



ایلگیلی‌لی خبرلر