مالزی اوچاغینی روسلار ووروب
مالزی هاوا یوللارینا مخصوص اوچاق روسیا اردوسونا مخصوص راکتله وورولوب.
2014-جو ایل ژوئن آیینین 17-ده دوشورولن مالزی هاوا یوللارینا مخصوص MH-17 یولجو اوچاغینین روسیا اردوسونا مخصوص راکتله وورولوب.
بونو حادثهنی آراشدیران اولوسلار آراسی جینایتلری آراشدیرما قروپو بیلدیریب.
وئریلن معلوماتا گؤره، اوچاق روسیا سرحدینه یاخین بیر بؤلگهدن راکتله وورولاراق یئره دوشورولوب. اوچاق روسیا سلاحلی قوهلرینین 53-جو توغای بیرلیگیندن آتیلان راکت نتیجهسینده قضایا اوغراییب.
قئید ائدک کی، قضا نتیجهسینده 298 نفر اؤلوب. طیارهدکیلردن 283-و یولجو، 15-ی ایسه اوچوش هئیتینین عضوو اولوب. اؤلنلردن 154-و هلند، 27-سی استرالیا، 23-و مالزی، 11-ی اندونزی، 6-سی بریتانیا، 4-و آلمانیا، 4-و بلژیک، 3-و فیلیپپین، 1-ی کانادا وطنداشی اولوب.
ایلگیلیلی خبرلر
روسیهنین اوکراین راکت هوجوملاری
روسیهنین اوکراینین دنیپروپترووسک ویلایتینه راکت هوجوملاری نتیجهسینده ۸ نفر اؤلوب، 29 نفر یارالانیب