آمریکادا تورکیه‌نی ایتیرمک قورخوسو آرتیر

آمریکادا تورکیه‌نی ایتیرمک قورخوسو گئتدیکجه داها یوکسک سسله دیله گتیریلیر.

پنتاگون ساواشلاری کیتابی‌نین مؤلفی مارک پری، The American Conservatives ژورنالیندا بیر یازی قلمه آلدی.

او یازی، تورکیه مسئله‌سینده واشینگتوندا یاشانان فیکیر آیری‌لیق‌لارینی نوماییش ائتدیردی.

یازی‌یا گؤره، آمریکانین آوروپا گوجلری و ناتو موتتفیق گوجلر عملیات قوموتانی ژنرال کورتیس اسکپاروتی، ساوونما ناظیری جیم متیس‌ی اویاردی.

اسکاپاروتی،

آمریکانین بؤلوچو ترور تشکیلاتی پ.ک.ک-نین سوریه قولو پ.ی.د-ی.پ.گ ایله یاشاییشینی داوام ائتدیرمه‌سی حالیندا، 30 ایل سونرا تورکیه‌نی کیم ایتیریب باش‌لیق‌لی مقاله‌لر اوخوماق مجبوریتینده قالا بیلریک" دئدی.

پری، آمریکانین امکداش‌لیق ائتدیگی پ.ی.د-ی.پ.گ-نین، پ.ک.ک-نین سوریه‌‌دکی سیلاح‌لی قولو اولدوغونو وورغولایا‌راق،

پ.ک.ک سالدیری‌لاریندا مین‌لرله تورک اؤلدو" دئدی.

یازی‌یا گؤره، آمریکانین داعشه قارشی کوالیسیونون قوموتانی بریت مک‌گورک ایله آمریکا مرکزی گوجلر قوموتانی جوزئف وتل، پ.ی.د-ی.پ.گ-نی دستکلییر.

ناتو موتتفیق گوجلر عملیات قوموتانی ژنرال کورتیس اسکاپاروتی و دیگر بعضی قوموتانلار ایسه، تورکیه کیمی موتتفیقین ایتیریلمه‌سینه شدتله قارشی چیخیر.

کئچن آی آمریکانین پایتختی واشینگتوندا قایغی‌لارینی ساوونما ناظیری متیس‌ه ده دیله گتیرن اسکاپاروتی، اوخشار مساژی آمریکا سناتوسو سیلاح‌لی خیدمت‌لر کومیته‌سینده ده وئردی.

اسکاپاروتی،

 2  یا دا 5 ایل سونرا هارادا اولماق ایستییریک؟ تورکیه کیمی یاخین بیر ناتو موتتفیقیمیزله موناسیبتیمیزی گوجلن‌دیرمک ایستییریک. اوزون  زماندیر هدفیمیز بو. مسئله‌یه اوزون مودتلی باخمالیییق" ایفاده‌لرینی ایستیفاده ائتدی.

آمریکالی تقاودچو آدمیرال جیم استاوریدیس ده سوسیال مئدیادا،

تورکیه‌نین ناتو-دان اوزاقلاشماسینا گؤز یومماق وحشت‌لی سهو اولار" مساژی وئردی.

بیر باشقا یوکسک سویه‌لی مسئولو ده، "دوشمنیمین(داعش) دوشمنی (پ.ک.ک/پ.ی.د-ی.پ.گ)  دوستوم‌دور" آنلاییشینی تنقید ائتدی.

آمریکا‌لی مسئول،

دوشمانیمین دوشمنی ایندی بیر دوستومو دوشمن حالینا گتیریر. کیمی آلدادیریق. تورکیه اولمادیغی بللی" ایفاده‌سینی ایستیفاده ائتدی.