روسیا: هیاتین دومایا گیرمهسینه ایجازه وئریلهجک
نماینده هیاتی سوریهیه شنبه یئتیشمیش اما او گوندن بو یانا دومایا اؤز گئتمهلرینه ایجازه وئریلممیشدی
روسیا سوریهده شیمیایی سیلاح ادعالارینی آراشدیرماق اوچون اؤلکهیه گیدن شیمیایی سیلاحلارین قاداغان ائدیلمهسی تشکیلاتی (OPCW) نماینده هیاتینین صاباح (چرشنبه گونو) دومایا گیرمهیه ایجازه وئریلهجگینی آچیقلاییب
نماینده هیاتی سوریهیه شنبه وارمیش اما او گوندن بو یانا دومایا اؤز گئتمهلرینه ایجازه وئریلممیشدی.
سوریه و روسیا بؤلگهده هر هانسی بیر سالدیری اولمادیغینی ساوونور.
شیمیایی سیلاحلارین قاداغان ائدیلمهسی تشکیلاتینداکی آمریکانین نمایندهسی، روسیانین بو پروسهده دلیللرله اوینایابیلهجگی خبردارلیق ائدرکن، اینگیلیس یایین اورقانی بی.بی.سینین Hardtalk پروقرامینا دانیشان روسیا خاریجی ایشلر ناظیری سئرگئی لاوروو،
روسیانین دلیللرله اوینامایاجاغینی ضمانت ائدیرم" دئدی.
شیمیایی سیلاحلارین قاداغان ائدیلمهسی تشکیلاتی مسئوللاری، آپاردیقلاری آراشدیرما نتیجهسینده بؤلگهده شیمیایی سیلاح قالیغی اولوب اولمادیغینی آچیقلایاجاق.
7 آوریلده شرق غوطهنین دوما شهرینذده تشکیل اولونان شیمیایی سالدیریدا 78 نفر اؤلموشدور.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب