امریکا مکزیک سرحدینه ایچ آساییش قوشون‌لارینی یئرلش‌دیره‌جک

امریکانین پایتاختی واشینگتن-دا گون‌لردیر موباحیثه موضوع سو اولان مکزیک دیواری باره‌سینده رهبرلیک‌دن ایلک آچیقلاما گلدی.

945191
امریکا مکزیک سرحدینه ایچ آساییش قوشون‌لارینی یئرلش‌دیره‌جک

امریکانین پرزیدنتی دونالد ترومپ امریکا – مکزیک سرحدینه ایچ آساییش قوشون‌لارینی یئرلش‌دیرمک اوچون یئرلی حاکمیت اورقان‌لارینا تعلیمات نامه یاییملایاجاق.  

امریکانین پایتاختی واشینگتن-دا گون‌لردیر موباحیثه موضوع سو اولان مکزیک دیواری باره‌سینده رهبرلیک‌دن ایلک آچیقلاما گلدی.

آغ ائوده ژورنالیست‌لره موصاحیبه وئرن ایچ تهلوکه‌سیزلیک ناظیری کیرستژن نیلسن: "پرزیدنت دونالد ترامپ مودافعه ناظیرلیگینه، ایچ تهلوکه‌سیزلیک ناظیرلیگینه، ایچ آساییش قوشون‌لاری‌نین جنوب-قرب سرحدلریمیزه یئرلشدیریلمک اوچون حاضرلیق ایشلری‌نین آپاریلماسی باره‌سینده تعلیمات وئردی" دئدی.

نیلسن ایچ آساییش قوشون‌لاری‌نین بو آخشام‌دان اعتباراً یئرلشدیریلمه‌یه باشلاناجاغینی بیلدیردی.

آغ ائو ده مسئله ایله باغلی آچیقلاما وئردی. آچیقلامادا: "سرحد دئوریه دسته‌لریمیزه دستک وئرمک مقصدیله پرزیدنت دونالد ترامپ جنوب سرحدلرینه ایچ آساییش قوشون‌لارینا یئرلشمه صلاحیتینی وئردی" دئییلیر.هر گون مین‌دن چوخ آدامین امریکا سرحدلرین‌دن غیری-قانونی یوللا کئچدیگی وورغولانان آچیقلامادا بو رقمین ایللیک 300 مین‌دن چوخ اولدوغو قئید ائدیلیر.

ترامپ-ین بو قرارینا ایلک دستک ایسه آریزونا والیسی دوگ دوجی دن گلدی.

دوجی تویتر حسابین‌دان، "آریزونا آساییش دسته‌لری‌نین سرحده یئرلشدیریلمه‌سی قرارینی ممنونیتله قارشیلاییریق. واشینگتن مسئله‌یه اوزون زامان محل قویماییب. کمکه احتیاج وار. بو، آریزونا اوچون دؤولت تهلوکه‌سیزلیگی مسئله‌سی‌دیر" یازدی.



ایلگیلی‌لی خبرلر