"گوج یولو ایله باریش"!

ترامپ: روسیا و دیگرلری ایله یاخشی یاشاماق یاخشی شئی‌دیر

934924
"گوج یولو ایله باریش"!

آمریکا پرزیدنتی دونالد ترامپ، روسیا پرزیدنتی ولادیمیر پوتینی سئچیملری قازانماسین‌دان دولایی تبریک ائتمه‌سینی، "بیر چوخ پروبلئمین حلینه یاردیم‌چی اولابیلر" سؤزلری مدافعه ائتدی.

روسیادا بازار گونکو سئچیملری قازاناراق یئنی‌دن پرزیدنت سئچیلن پوتینی تبریک ائتمه‌سی آمریکا قامو‌اویوندان تپکی توپلایان ترامپ، تویتر حسابین‌دان تنقیدلره جاواب وئردی.

دونالد ترامپ، آچیقلاماسین‌دا، اسکی آمریکا پرزیدنتی باراک اوبامانین دا پوتینی آرادیغینی قید ائد‌رک،

"یالان خبر مئدیانی چیلغینا دؤندردی، چونکو من‌دن اونون (پوتینین) دری‌سینی اوزومه‌می ایستییردیلر. یانیلیرلار. روسیا و دیگرلری ایله یاخشی یاشاماق یاخشی شئی‌دیر، پیس دئییل. اونلار (روسلار)، قوزئی کره، سوریه، اوکراینا، داعش، ایران و حتی یاخینلاشان سلاحلانما یاریشی مسئله‌لرینین حلین‌ده یاردیم‌چی اولابیلر" ایفاده‌لرینه یئر وئردی.

ترامپ، اسکی پرزیدنتلردن جورج دابلیو بوشون دا روسیا ایله یاخشی گئچینمه‌یه چالیشدیغینی، آنجاق عاغیل‌لی مشاورلرینین اولمادیغینی، اوباما ایله دؤورون خاریجی ایشلر باخانی هیلاری کلینتونون دا بونو سینادیغینی اما یئتری قدر انرژییه صاحب اولمادیغینی ساووندو.

ترامپ، آچیقلامالارینین سونونا ایسه "گوج یولو ایله باریش"! ایفاده‌سینی ده علاوه ائتدی.


اتیکتلر: #ترامپ , #پوتین , #تبریک

ایلگیلی‌لی خبرلر