لندنده ایسلاموفوبی، ترامپ و عیرقچی‌لیک علیهینه گؤستری
اینگیلتره‌نین پایتختی لندنده، ایسلاموفوبیا، آنتی‌سمیتیزم، عیرقچی‌لیک و آمریکا باشقانی دونالد ترامپ علیهینه اعتراض گؤستریسی کئچیریلیب
لندنده ایسلاموفوبی، ترامپ و عیرقچی‌لیک علیهینه گؤستری
اینگیلتره‌نین پایتختی لندنده، ایسلاموفوبی، آنتی‌سمیتیزم، عیرقچی‌لیک و آمریکا باشقانی دونالد ترامپ علیهینه اعتراض گؤستریسی کئچیریلیب.
عیرقچیلیغا قارشی آیاغا قالخ" آدلی وطنداش توپلوم حرکاتی طرفین‌دن تشکیل اولونان و "اینگیلتره سندیکالار کونفدراسیونو"، "بریتانیا موسلمان‌لار بیرلیگی"، "کمر سیخما قارشی خالقین مجلیسی"، "قارالارین حیاتی قیمت‌لی‌دیر" ایله " ساواشینی دایان‌دیرین کوالیسیونو" دا داخیل اولماقلا بیر چوخ سیویل تشکیلاتی‌نین دستک وئردیگی میتینگ اوچون چوخ‌لو آدام، اینگیلیس یاییم قورومو بی.بی.سی-نین مودیریت ساختمانی‌نین اولدوغو پورتلند پلاس قارشی‌سیندا توپ‌لاشدی.
قار یاغیشینا باخمایا‌راق، باش ناظیرین ایله بعضی ناظیرلیک‌لرین یئرلشدیگی "وایت هال" جادده سینه دوغرو ایره‌لیله‌ین قروپ، موسلمان و یهودی علیهینه نیفرت جینایت‌لرین‌دن اذیت چکن اینسان‌لارا دستک دعوتی ائدرکن، ترامپ‌ین بو ایل عرضینده اینگیلتره‌یه ائتمه‌سی پلان‌لاش‌دیریلان سفرین لغو ائدیلمه‌سی اوچون ده حکومته چاغیریش‌لار ائدیب.
نوماییشچی‌لر، یوروش چرچیوه‌سینده اللرینده "ایسلاموفوبی خیر"!، "نیفرته یوخ"!، "ایسلاموفوبی و آنتی‌سمیتیزمه قارشی دور"، "فاشیست‌لره قارشی بیر اولاق" و "قارالارین حیات‌لاری دا اهمیت‌لی‌دیر" یازی‌لی پلاکارد‌لار داشییارکن، "ترامپی بورادا ایستمیریک" و "ترامپا خیر" شعارلاری آتدی.
اوستونده بریکست (آوروپا اتفاقین‌دان آیریلما) قارشیرد و قاچقین‌لارا دستک مساژلاری‌نین دا یئر آلدیغی پلاکارد‌لار داشییان گؤستریجی‌لره، اینگیلیس پارلامنتی‌نین ایکی قانادینی تشکیل ائدن عوام مجلیسی و لوردلار مجلیسی‌نین بعضی عضو‌لری ایله اینگیلتره‌دکی ایش، اینجه‌صنعت و ایدمان دونیاسی‌نین تانینمیش شخصیت‌لری ده قاتیلاراق دستک وئردی.
گؤستریده همچینین اؤتن هفته سونون‌دان اعتباراً اینگیلتره‌نین موختلیف شهرلرین‌دکی عنوان‌لارا گؤندریلن "بیر موسلمانی جزا" باش‌لیق‌لی مکتوب‌لار ایله آشیری ساغ قروپ‌لار دا تنقید ائدیلیب.
گؤستریچی‌لر، بو جور حرکت‌دن اؤتورو "غضب‌لی و شوکا اولدوق‌لارینی" بیل‌دیره‌رک، حکومته نیفرت جینایت‌لری موباریزه سیخلاشدیرماسی چاغیریب.
دیگر طرف‌دن، بنزر گؤستری‌لر، لندن‌ین یانیسیرا، ولزین پایتختی کاردیف ایله اسکاتلندین گلاسگو شهرینده مین‌لرله اینسانین قاتیلیمی ایله ایله باش توتدو.
