یان کلود یونکر، آوروپا بیرلیگی-نین بالکان‌لارا ثابت‌لیک گتیرمک ایستدیگینی دئییب

یونکر و آوروپا بیرلیگی کومیسیونونون گئنیشلنمه‌دن مسئول کومیساری یوهانس هان، صربیستانین باشکندی بلگرادداکی تماس‌لاری چرچیوه‌سینده پرزیدنت آلکساندر ووچیچ ایله گؤروشوب

918964
یان کلود یونکر، آوروپا بیرلیگی-نین بالکان‌لارا ثابت‌لیک گتیرمک ایستدیگینی دئییب

صربیستان‌‌ا سفر ائدن آوروپا بیرلیگی کومیسیونونون باشقانی یان کلود یونکر، آوروپا بیرلیگی-نین بالکان‌لارا ثابت‌لیک گتیرمک ایستدیگینی دئییب.

یونکر و آوروپا بیرلیگی کومیسیونونون گئنیشلنمه‌دن مسئول کومیساری یوهانس هان، صربیستانین باشکندی بلگرادداکی تماس‌لاری چرچیوه‌سینده پرزیدنت آلکساندر ووچیچ ایله گؤروشوب.

یونکر، باریش ویلاسیندا گؤروشمه‌دن سونرا کئچیریلن مطبوعات کونفرانسیندا غربی بالکان اؤلکه‌لری‌نین آوروپا بیرلیگینین حیسه‌سی اولماسی لازیم اولدوغونا ایشاره ائده‌رک، " آوروپا بیرلیگی، غربی بالکان‌لار اولما‌دان ناتامام قالیر. آوروپا بیرلیگی عضو اؤلکه‌لرین مولکیتینده بیر یئر دئییل، دیگر اؤلکه‌لرین ده چاتما حقوقونون اولدوغو بیر بیرلیک‌دیر" دئدی.

صربیستان، بؤلگه‌ده آوروپا بیرلیگینه نامیزد اؤلکه‌لر آراسیندا "ان چوخ اینکیشاف ائدن اؤلکه" کیمی سجیه‌لن‌دیرن یونکر، آوروپا بیرلیگی-یه عضولوک اوچون ایسه، 2025-جی ایلین وئریلمیش بیر سؤز دئییل، نامیزد اؤلکه‌لر اوچون جسارت و احتیمال اولدوغونو بیلدیردی.

یونکر، آوروپا بیرلیگی-نین، بؤلگه‌سل و ایکیطرف‌لی موناقیشه‌لر یاشایان اؤلکه‌لری بیرلیگه داخیل ائتمک طرفداری اولمادیغینی وورغولایا‌راق، " آوروپا بیرلیگی، بالکان‌لارا ثابت‌لیک گتیرمک ایستییر. عضولوک‌دن اوّل، حلّ ائدیلممیش پروبلم‌لرین گتیرجگی بیر غیری-ثابت‌لیک ایستمیریک" دئیه دانیشدی.

بلگراد ایله پریشتینه آراسیندا موناسیبت‌لرین حقوقی بیر راضی‌لاشماقلا نورماللاشدیریلماسی اولدوغونو بیل‌دیرن یونکر، "قایدا‌لاری قویماق بیزه دوشمز. بلگراد ایله پریشتینه موقاویله‌نین نه نوع بیر کاراکترده اولاجاغینا قرار وئرمه‌لی" قیمتلندیرمه‌سینده اولوب.

صربیستان پرزیدنتی ووجیج ده صرب و آلبان‌لارین "چتین راضیلاشاجاغینی" ایفاده ائده‌رک، پریشتینا ایله آوروپا بیرلیگی حمایه‌سینده داوام ائدن دیالوق‌دان دویدوغو ممنونیتی دیله گتیردی.

کوسووو رهبرلیگی ایله پروبلم‌لرینی حلّ ائتمه‌دن صربیستانین "بوغولماغا" داوام ائدجگینی دئین ووجیج، غربی بالکان‌لارین، آوروپا قارّه‌سی‌نین آیریلماز بیر حیسه‌سی اولدوغونو قید ائدیب.

مقدونیه و آلبانیانین آردیندان صیربیستانا گیدئن یونکر ایله هان، بو هفته عرضینده قاراداغ و بوسنی و هرزگووین ده سفر ائده‌جک.



ایلگیلی‌لی خبرلر