رکس تیلرسون: ایران سوریه‌دکی گوجلرینی گئری چکمه‌لی
یاخین شرق تورو چرچیوه‌سینده اوردونون پایتختی عمان‌ا گئدن تیلرسون، اوردون‌لو همکاری ان اوغورلو ایمن الصفدی ایله ناظیرلیک بیناسیندا بیر آرایا گلیب
آمریکا خاریجی ایشلر ناظیری رکس تیلرسون، ایراندان "سوریه‌دکی گوجلرینی گئری چکمه‌لرینی" ایسته‌دی.
یاخین شرق تورو چرچیوه‌سینده اوردونون پایتختی عمان‌ا گئدن تیلرسون، اوردون‌لو همکاری ان ایمن الصفدی ایله ناظیرلیک بیناسیندا بیر آرایا گلیب.
تیلرسون، گؤروشمه‌دن سونرا کئچیریلن بیرگه مطبوعات کونفرانسیندا وئردیگی آچیقلامادا، ایران ایله ایسرائیل آراسیندا سوریه‌ده باش وئرن سون حادثه‌لر سببیله ناراحات اولدوق‌لارینی بیل‌دیره‌رک،
ایراندان سوریه‌دکی گوجلرینی گئری چکمه‌سینی ایستییریک" دئدی.
ایرانین آیرجا لبنا‌داکی حزب الله‌ا دا تأثیر ائتدیگینه ایشاره ائدن تیلرسون، نیظامی گوجلرین حکومتین کونترولو آلتیندا اولدوغو آزاد و موستقیل بیر دولتین قورولماسینی دستکلدیک‌لرینی ایفاده ائتدی.
تیلرسون، بو گون کئچیرمگی پلانلاشدیردیغی بیروت زیارتینده، "لبنانلی لیدرلرله، دموکراسی پروسه‌سی و اؤلکه‌نین گله‌جگینه دایر مسئله‌لرین" موذاکیره اولوناجاغینی بیلدیردی.
صفدی و تیلرسون همچینین، ایکی اؤلکه آراسیندا ایستراتژیک اورتاق‌لیق چرچیوه‌سینده؛ آمریکانین اوردونا 5 ایل عرضینده ایللیک 1.275 میلیارد دو‌لار یاردیم ائتمه‌سینی نظرده توتان بیر آنلاشما سندی ایمضالاییب.
آمریکا خاریجی ایشلر ناظیری رکس تیلرسون، تورکیه، میصر، اوردون، لینان و کویتی ایچه‌رن یاخین شرق تورو چرچیوه‌سینده میصر و کویته سفر ائتمیشدی.
ایلگیلی‌لی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیش‌کسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب
