مرکل کوالیسیوندان اومودلو

حکومت قورماق چابالاری 3 آیدیر سورن آلمانیادا خریستیان دموکرات پارتی خریستیان سوسیال بیرلیک پارتیسی و سوسیال دموکرات پارتی آراسیندا 5 گون سورجک کوالیسیون قارشی گؤروشمه‌لری‌نین ایلکی دون گئرچکلشدی

883682
مرکل کوالیسیوندان اومودلو

حکومت قورماق چابالاری 3 آیدیر سورن آلمانیادا خریستیان دموکرات پارتی (CDU) خریستیان سوسیال بیرلیک پارتیسی و سوسیال دموکرات پارتی (SPD) آراسیندا 5 گون سورجک کوالیسیون قارشی گؤروشمه‌لری‌نین ایلکی دون گئرچکلشدی.

سوسیال دموکرات پارتی عمومی مرکزین‌دکی گؤروشمیه‌ خریستیان دموکرات پارتی باش ناظیری و باش ناظیر آنگلا مرکل، خریستیان سوسیال بیرلیک پارتیسی باش دیرکتورو هورست شوفر و سوسیال دموکرات پارتی گنل باشقانی مارتین شولتز و دیگر باغلی‌لار قاتیلیب.

پارتی لیدرلری‌نه یاناشی، مالیه، ایقتیصاد، نقلیات، انرژی، اکنجیلیک، امک بازاری و ایستیخدام، عائله، گؤچ، ایچ ایشلر، آوروپا، خاریجی و ساوونما سیاستی کیمی آلت ساحه‌لرده یارادیلان قروپ‌لار آراسیندا دا اؤن گؤروشمه‌لر کئچیریلیب.

نوبتی گؤروشمه ایسه خریستیان دموکرات پارتی باش قرارگاهی اولان کونراد آدئناور هاوستا کئچیریله‌جک. اوچونجو گؤروشمه ایسه باواریا ایالتی‌نین برلین تمثیلجیلیگینده اولا‌جاق.

مرکل، گؤروشمه‌دن اوّل وئردیگی آچیقلامادا، "نایل اولاجاغیمیزا اینانیرام". ایفاده‌سینی ایستیفاده ائتدی.

گؤروله‌جک چوخ ایش اولدوغونا ایشاره ائدن مرکل، گله‌جک گون‌لرده بیرلیک پارتی‌لری (خریستیان دموکرات پارتی / خریستیان سوسیال بیرلیک پارتیسی) و سوسیال دموکرات پارتی‌نین سون درجه سرعت‌لی و گئنیش بیر شکیلده چالیشاجاغینی بیلدیریب.

شولتز ایسه سیاست و دولتین مودرنلشدیریلمه‌سینی و آلمانیانین دؤوره اویغون بیر حالا گتیریلمه‌سی لازیم اولدوغونو بیلدیردی. دانیشیق‌لارین اوجونون آچیق اولاجاغینی وورغولایان شولتز، آنجاق قیرمیزی خط چکمیریک. عکسینه، داها چوخ قیرمیزی (سوسیال دموکرات) بیر سیاستین آلمانیادا حیاتا کئچیریلمه‌سینی ایستییریک. دئدی.

آلمانیادا 24 سپتامبردا کئچیریلن پارلامنت سئچیم‌لرین آردین‌دان خریستیان بیرلیک پارتی‌لری (خریستیان دموکرات پارتی / خریستیان سوسیال بیرلیک پارتیسی)، آزاد دموکرات پارتی (FDP) و یاشیل‌لار آراسین‌داکی کوالیسیون قارشی دانیشیق‌لاری اوغورسوزلوقلا نتیجه‌لنمیشدی.

بو گؤروشمه‌لرین ده اوغورسوزلوقلا نتیجه‌لنمه‌سی حالیندا خریستیان دموکرات پارتی / خریستیان سوسیال بیرلیک پارتیسی‌نین آزینلیق حکومتی قورماغی سیناغی، یا دا ارکن سئچیم کئچیریلمه‌سی گوندمه گله‌جک.



ایلگیلی‌لی خبرلر