"آمریکا، ایرانلیلارین یانیندادیر"
نیکی هیلی، ایران خالقینین اؤلکه‌‌ده ۷۹دان چوخ نقطه‌ده حکومته قارشی عصیان قالدیردیغینی سؤیله‌دی
بیرلشمیش میلتلر گوونلیک شوراسی، آمریکانین طلبی ایله ایران‌دا داوام ائد‌ن اعتراضلاری دانیشماق اوچون توپلاندی.
آمریکانین بیرلشمیش میلتلر دایمی نماینده‌سی نیکی هیلی، ایران خالقینین اؤلکه‌‌ده ۷۹دان چوخ نقطه‌ده حکومته قارشی عصیان قالدیردیغینی سؤیله‌دی.
"باسقیچی حکومت‌دن جانا دویموش جسور اینسانلارین حیاتلارینی ریسکه آتاراق اعتراضلارا قاتیلدیغینی" بیلدیر‌ن هیلی، دونیانین ایران خالقینین جسارتینی آلقیشلاماسی لازیم اولدوغونو ایفاده ائتدی.
ایرانلیلارین سسینین ائشیدیلمه‌سی لازیم اولدوغونو ایضاح ائد‌ن هیلی،
"ایرانین سوریه‌ده اسد رژیمینی دستکله‌مک اوچون ان آزی ۶ میلیارد دولار خرجلدیگینی و بونو بیلن خالقین حکومته اعتراض ائتدیگینی" دیله گتیردی.
ایرانین یمن‌ده ده حوثیلره میلیونلارلا دولار و باشقا اؤلکه‌لره آتماق اوچون بالیستیک موشک گؤندردیگینی قید ائد‌ن هیلی، ایران‌دا اورتا گلیر سویه‌سینه صاحب بیر عائله‌نین ۱۰ ایل اوله گؤره یوزده ۵۰ یوخسوللاشدیغینی ادعا ائتدی.
هیلی، ایران خالقینین "حکومتین تروریزمه دستک وئرمه‌یی بوراخماسی، میلیاردلارلا دولاری قاتیللره و دیکتاتورلارا گؤندرمه‌مه‌سی" اوچون کوچه‌لره چیخدیغینی مدافعه ائد‌رک،
"اؤزگورلوکلری دستکله‌ین اؤلکه‌لر ایران خالقینا دستک وئردی، اما داها آرتیغینی ائتمه‌لی‌ییک" دئدی.
ایران‌داکی اینسان حاقلاری پوزونتولارینا دقت چکه‌رک، بو اؤلکه رژیمینین اینترنته گیریشی انگللدیگینی و خالقینی سوسدورماغا چالیشدیغینی دئین هیلی،
"آمریکا، آزادلیق، ریفاه و اؤلکه‌لری اوچون اعتبار آختاریشی ایچین‌ده اولان ایرانلیلارین یانیندادیر. بو مسئله‌ده سس‌سیز قالمایاجاییق" دئدی.
روسیانین دایمی نماینده‌سی واسیلی نبنزیا ایسه آمریکانین ایران‌داکی اعتراضلاری گوونلیک شوراسینا داشیماسینی تنقید ائتدی.
ایلگیلی‌لی خبرلر
پاریسده عرقچیلیک و ایسلام دوشمنلیگینه قارشی اعتیراض کئچیریلیب
بوندان علاوه، 2023-جو ایلین یاییندا پولیس زوراکیلیغی نتیجه‌سینده اؤلن گنج ده تظاهراتدا آنیلیب
