آمریکا پلیسی ۹۸۷ نفری سلاحلا ووراراق اؤلدوردو

آمریکاداکی پلیسلرین ۲۰۱۷.جی ایلده ۹۸۷ نفری سلاحلا ووراراق اؤلدوردویو بیلدیریلدی.

واشینگتون پوست قازئته‌سینین، یئرلی رسمی قایناقلاردان توپلادیغی رقملره دایانیردیغی خبره گؤره ۲۰۱۵-۲۰۱۷ دؤورون‌ده تخمیناً ۳ مین نفر آمریکا پلیسینین سلاحلاری ایله حیاتینی ایتیردی.

رقملره گؤره پلیس، ۲۰۱۵ده ۹۹۵، ۲۰۱۶.جی ایلده ۹۶۳، ۲۰۱۷.جی ایلده ده ۹۸۷ نفر ووراراق اؤلدوردو.

اؤته یاندان، آمریکا پلیسینین ۲۰۱۵ده ۳۶، ۲۰۱۶.جی ایلده ۱۷، اؤتن ایل ایسه ۱۹ سلاح‌سیز قارادیلی کیشی‌نین اؤلومونه سبب اولدوغو قید ائدیلدی.

۲۰۱۴.جی ایلین آگوست آیین‌دا مایکل براون آدلی ۱۸ یاش‌لی قارادرلی آمریکالینین پلیس طرفین‌دن اؤلدورولمه‌سینین آردین‌دان اؤلکه‌‌ده پلیس شدتی ایله باغلی ایستاتیستیکلرین توتولماغا باشلاندیغی بیلدیریلن خبرده، پلیسین اؤزللیکله سلاح‌سیز وطنداشلارا قارشی ایلک مداخیله‌لرینده لازیم اولان دقتی گؤسترمه‌دیکلرینه وورغو ائدیلدی.