امریکا بمت بودجه سینی 285 میلیون دلار آزالداجاغینی آچیقلادی
امریکانین بیرلشمیش میللتلر تشکیلاتینداکی دایمی نماینده‌سی نیکی هالی 2018-2019 مالیه ایلینده بمت اوچون آییردیغی بودجه‌نی 285 میلیون دو‌لار آزالداجاغینی آچیقلادی.
امریکانین بیرلشمیش میللتلر تشکیلاتینداکی دایمی نماینده‌سی نیکی هالی 2018-2019 مالیه ایلینده بمت اوچون آییردیغی بودجه‌نی 285 میلیون دو‌لار آزالداجاغینی آچیقلادی.
موضوع ایله باغلی معلومات یایان هالی بودجه‌نین آزالدیلماسینی "دوغرو ایستیقامتده آتیلمیش بؤیوک بیر آددیم" اولدوغونو بیلدیردی.
او دئدی کی، بمت-نین تاثیرسیز و آشیری خرج‌لری معلوم‌دور. بون‌دان سونرا امریکا خالقی‌نین جومردلیگیندن سوء-ایستیفاده ائدیلمه‌سینه و بونون نظارت‌سیز قالماسینا ایجازه وئرمیجییک.
2018-2019 مالیه ایلینده بمت بودجه‌سینه آییراجاغی حیسه‌دن 285 میلیون دو‌لار آزالتما قراری آلان امریکا بو موضوع دا هله ده ان چوخ دستک وئرن اؤلکه موقعینده‌دیر. بمت-نین بون‌دان سونراکی ایکی ایللیک مودت اوچون اولان 5،4 میلیارد دو‌لارلیق بودجه سیندن 3،3 میلیارد دو‌لارینی امریکا اؤدییر. امریکا همچنین بمت ترکیبینده گؤستریلن "باریشی قوروما جهدلری" اوچون ده آیری مالیه دستکی گؤستریر.
