العثیمین:"امریکانین قراری اولوسلار آراسی قایدا‌لارا ضیددیر"

فیلیسطین خالقی‌نین پایتاختی دوغو قودس اولان بیر دؤولت قورماغا حاقی وار.

867811
العثیمین:"امریکانین قراری اولوسلار آراسی قایدا‌لارا ضیددیر"

ایسلام امکداش‌لیق تشکیلاتی‌نین باش کاتیبی یوسف بن احمد العثیمین ایستانبول‌داکی ذیروه توپلانتی‌سی‌نین آچیلیش مراسیمینده ائتدیگی چیخیشدا ذیروه ‌نین چوخ استثنا بیر وضعیت اوچون کئچیریلدیگینی وورغولادی.

قودسون مسلمان‌لار اوچون ده مقدس اولدوغونو بیلمه‌ین‌لر طرفین‌دن قبول ائدیلن قرارلارا گؤره ییغینجاق کئچیریلدیگینی خاطیرلا‌دان العثیمین بیلدیردی کی، امریکانین قودسو ایسرائیل-ین پایتاختی اولا‌راق تانیما قراری اولوسلار آراسی قایدا‌لارا ضیددیر.

قودس فیلیسطین دؤولتی‌نین پایتاختی‌دیر و 1967-جی ایلدن بری‌دیر آیریلماز حیسه‌سی‌دیر. بوتون اولوسلار آراسی موقاویله‌لر ده عینی شیی سؤیلییر. اورتا دوغوداکی ثابیتلیگین اساسی فیلیسطین-ین وضعیتینی آچیق شکیلده حل ائتمک‌دن آسیلی دیر. چونکی فیلیسطین خالقی‌نین پایتاختی دوغو قودس اولان بیر دؤولت قورماغا حاقی وار.

یوسف بن احمد العثیمین "فیلیسطین دؤولتینی قبول ائتمه لییک. اولوسلار آراسی ساحه‌ده دؤولت کیمی قبول ائتمه‌ین اؤلکه‌لره ده باریش تامین ائده بیلمک اوچون ده بو آدیم آتیلما‌لی‌دیر. ایکی دؤولت‌لی حلی حیاتا کئچیره بیلمک اوچون فعالیت‌لر جدی شکیلده داوام ائتیرمه‌لی‌دیر. قودس بیزیم اورییمیزده بیر یارا‌دیر، لاکین تک باشینا حله قوووشمایا‌جاق‌دیر. بونون اوچون هم رای اولمالیییق" دئدی.



ایلگیلی‌لی خبرلر