"بریتانیا وطنداشلارینین اؤلدورولمه‌سی لازیم"

اینگیلتره ساوونما باخانی گاوین ویلیامسون، ترور هؤرگوتو داعشه قاتیلان بؤیوک بریتانیا وطنداشلارینین اؤلدورولمه‌سی لازیم اولدوغونو سؤیله‌دی.

ویلیامسون، داعشه قاتیلان بؤیوک بریتانیا وطنداشلارینین، اؤلکه‌نین دگرلرین‌دن نفرت ائتدیگینی بیلدیره‌رک، سوریه و عراقدا اولدوغو تخمین ائدیله‌ن ۲۷۰ وطنداشلارینین اؤلدورولمه‌سی لازیم اولدوغونو دئدی.

"چوخ ساده، اؤلو بیر تروریستین بریتانیایا ضرر وئرمه‌یه‌جیینی دوشونوره‌م. بو تهلوکه‌نی دفع و یوخ ائتمک اوچون هر شئیی ائتمه‌لی‌ییک" دئیه‌ن ویلیامسون، ترور هؤرگوتونه قوشولان وطنداشلارینین بؤیوک بریتانیایا قاییتماسینا هئچ بیر زامان ایجازه وئریلمه‌مه‌سی لازیم اولدوغونو وورغولادی.

۴۱ یاش‌لی ویلیامسون، آدی جینسی استثمار قالماقالینا قاریشان مایکل فاللون یئرینه گئچه‌رک، تخمیناً بیر آی اول باخان اولموش‌دو.

داعشه قاتیلیب دا مشهور اولان آدلار آراسین‌دا جهاد‌چی جان و سا‌لی جونز کیمی اینگیلیسلر ده وار.

قدیم راک موسیقی‌چی اولان جونز و گیروولارین باشینی کسدیگی ویدئولارلا دقت چکن جهاد‌چی جانین داعش قارشیدی کوالیسیونون سالدیریلارین‌دا اؤلدورولدویو تخمین ائدیلیر.

جونزون اؤلدویو ادعلارین‌دان سونرا او واختکی ساوونما باخانی فاللون، داعشه قاتیلان وطنداشلارینین "مشروع هدف" اولدوغونو سؤیلمیشدی.