پنتاگون، روسیانین داعشه سالدیری تکلیفینی رد ائتدی
روسیا ساوونما باخانلیغی، روسیانین آمریکایا فرات چایینین دوغو ساحلیندکی داعش کاروانلارینین یوخ ائدیلمهسی اوچون بیرگه حرکته گئچمهیی ایکی دفعه تکلیف ائتدیکلرینی بیلدیرمیشدی
پنتاگون، روسیانین داعشه قارشی اورتاق هاوا سالدیریسی تکلیفینی رد ائتدی.
پنتاگون یئتکیلیسی، آمریکانین رهبرلیک ائتدیگی کوالیسیونون ترور طرفدارلارینا قارشی حربی عملیاتلاری اوچونجو اؤلکهلرله بیرلیکده تشکیل ائتمدیگینی بیلدیردی.
یئتکیلی،
"کوالیسیون، عراق و سوریهده، سوریه رژیمیندن، یا دا روسیادان گلن ایستکلره استنادا هاوا سالدیریلاری تشکیل ائتمیر. اوچونجو شخصلردن داعشلی تروریستلرین بیزیم مسئولیت بؤلگهمیزده اولدوقلارینا دایر طرفیمیزه بیلگی چاتدیریلدیغی زامان، بو بیلگیلرین دوغرو اولوب اولمادیغینی تصدیق ائتمک اوچون اؤز سوروشدورمامیزی ائدهبیلیرک" دئدی.
یئتکیلی، سؤزوگئدن معلوماتلارین تصدیق ائدیلمهسی وضعیتینده حربی مقاملارین اوچونجو شخصلردن مستقیل اولاراق هاوا سالدیریلارینی پلانلاماغا باشلادیغینی دا سؤزلرینه علاوه ائتدی.
روسیا ساوونما باخانلیغی، سوریهدهکی روسیا قروپو قوموتانلارینین آمریکا رهبرلیگیندکی کوالیسیونا فرات چایینین دوغو ساحلیندکی داعش کاروانلارینین یوخ ائدیلمهسی اوچون بیرگه حرکته گئچمهیی ایکی دفعه تکلیف ائتدیکلرینی بیلدیرمیشدی.
باخانلیغین آچیقلاماسیندا آیریجا آمریکانین ابو کمالدان چکیلن داعش بیرلیکلرینه، ژنو آنلاشماسینا ایستیناد ائدهرک سالدیری تشکیل ائتمهیی رد ائتدیگی، آنجاق داعشلی تروریستلرین کوالیسیونون کنترلونداکی بؤلگهده ابو کمالداکی سوریه اوردوسونا هوجوم ائتمک اوچون نه اوچون حاضرلیق گؤردوگو سوالینا جاواب وئرمدیگی قید ائدیلدی.
ایلگیلیلی خبرلر
پاریسده عرقچیلیک و ایسلام دوشمنلیگینه قارشی اعتیراض کئچیریلیب
بوندان علاوه، 2023-جو ایلین یاییندا پولیس زوراکیلیغی نتیجهسینده اؤلن گنج ده تظاهراتدا آنیلیب