آوروپا بیرلیگی، ونزوئلایا تحریملری ایجرا ائتمه قراری آلدی
یازیلی آچیقلامادا، آوروپا بیرلیگی-نین، ونزوئلایا قارشی سیاسی و دیپلوماتیک جهدلره یاناشی اؤلکه‌دکی سیاسی بحرانا باریش ایله حلّ اولونماسینا قاتقی وئرمک اوچون محدودلاشدیریجی تدبیرلر تطبیق ائدیلمه‌سی باره‌ده یئکدیل‌لیکله قرار قبول ائدیلیب
آوروپا بیرلیگی، ونزوئلایا سیلاح تحریمی، سیاحت قاداغاسی ایله مال وارلیق‌لاری‌نین دوندورولماسینی ایچه‌رن محدودلاشدیریجی تدبیرلر تطبیق ائتمه قراری آلدی.
آوروپا بیرلیگی شوراسین‌دان ائدیلن یازیلی آچیقلامادا، آوروپا بیرلیگی-نین، ونزوئلایا قارشی سیاسی و دیپلوماتیک جهدلره یاناشی اؤلکه‌دکی سیاسی بحرانا باریش ایله حلّ اولونماسینا قاتقی وئرمک اوچون محدودلاشدیریجی تدبیرلر تطبیق ائدیلمه‌سی باره‌ده یئکدیل‌لیکله قرار قبول ائدیلیب.
آوروپا بیرلیگی-نین ونزوئلایا دیالوق و اوزلاشما چاغیریشی ائتدیگی خاطیرلادیلان آچیقلامادا، آوروپا بیرلیگی-نین، ونزوئلا خالقی‌نین احتیاج‌لاری‌نین قارشیلانماسینی تامین ائده‌جک و بوتون طرف‌لری جلب ائده‌جک بیر آنلاشمایا قاتقی وئرمه‌یه حاضیر اولدوغو قید ائدیلیب.
آچیقلامادا، ونزوئلادا موخالیفتین 15 اوکتوبردا کئچیریلن ایالت سئچیم نتیجه‌لرینی تانیمادیغینا ایشاره ائدیله‌رک، سئچیم نتیجه‌لری‌نین موستقیل بیر اورقان طرفین‌دن نظارت آلتیندا اولدوغو بیلدیریلیب.
ونزوئلا‌داکی پروسس‌لرین اؤلکه‌دکی "سیاسی قاتماغی" درینلشدیرمه‌سینه دقت چکن آچیقلامادا، آوروپا بیرلیگی-نین ونزوئلا‌داکی قوروجو مجلیسین دموکراتیک و موستقیل تشکیلات‌لارا ضرر ووردوغونو دوشوندوگو و قانونی اولمادیغی اوچون قوروجو مجلیسی تانیمایاجاغی ایفاده ائدیلیب.
آچیقلامادا،
آوروپا بیرلیگی "، ونزوئلادا ایچ باسقی اوچون ایستیفاده اولونا بیله‌جک سیلاح و بنزر ماتریال‌لارا دایر تحریم قراری آلمیش، عینی زاماندا سیاحت قاداغانی و مال وارلیق‌لاری‌نین دوندورولماسی ایله باغلی حقوقی بازا یارادیلماسی مسئله‌سینده ده راضیلیغا گلمیش‌دیر". ایفاده‌لری یئر آلدی.
بو تدبیرلرین مرحله‌لی و چئویک شکیلده تطبیق ائدجگی بیل‌دیریلن آچیقلامادا، تدبیرلرین دموکراتیک پرینسیپ‌لره، حقوقون اوستوندوغونه حؤرمت ائتمه‌ین، اینسان حاق‌لارینی پوزان شخص‌لری هدف آلاجاغی بیلدیریلیب.
آچیقلامادا، ونزوئلا‌داکی سیاسی وضعیته دایر مثبت ایرلیلییش‌لر باش وئرمه‌سی وضعیتینده تاخیره آلینا تدبیرلرین ونزوئلا خالقینا ضرر وئرمگی دوشونمدیگی وورغولانیب.
ونزوئلا‌داکی سیاسی بحرانی آنجاق حکومتین حل ائدجگی ایفاده ائدیلن آچیقلامادا، ونزوئلا حکومتینه آزاد و عدالت‌لی سئچیم‌لر یولو ایله دموکراتیک مشروعیتی تکرار تامین ائتمه‌یه دعوت ائدیلیب.
