جیم متیس: آمریکانین ایران ایله آپاریلان نوکلئر موقاویله‌یه صادق اولمالی

بیر سناتورون ایران ایله آپاریلان نوکلئر موقاویله‌یه صادق قالماغین آمریکا‌نین منفعتینه سوروشماسی اوزرینه متیس، "بلی" جوابینی وئردی

820043
جیم متیس: آمریکانین ایران ایله آپاریلان نوکلئر موقاویله‌یه صادق اولمالی

آمریکا ساوونما ناظیری جیم متیس، اؤلکه‌سی‌نین ایران ایله آپاریلان نوکلئر موقاویله‌یه صادق اولماسی فیکیرینده اولدوغونو دئدی.

متیس، آمریکا سناتو سیلاح‌لی خیدمت‌لر کومیته‌سینده سناتورلارین سوال‌لارینی جوابلاندیریب.

بیر سناتورون ایران ایله آپاریلان نوکلئر موقاویله‌یه صادق قالماغین آمریکا‌نین منفعتینه سوروشماسی اوزرینه متیس، "بلی" جوابینی وئردی.

متیس ایرانین سازیشه رعایت ائتمدیگی یؤنونده دلیل اولمادیغینی بیل‌دیره‌رک، بو نقطه‌ده موقاویله‌ده قالیب قالماماغین باشقانین قرارینا باغلی اولدوغونو دئییب.

ایرانین، اولوسلار آراسی ایقتیصادی تحریم‌لرین لغوی اوزینده نوکلئر فعالیت‌لرینی محدودلاشدیریلماسینی نظرده توتان موقاویله، 2015ده،5+1 کیمی تانینان بیرلشمیش میللت‌لر امنیت شوراسی‌نین 5 دایمی عضوو (آمریکا، چین، روسیا، اینگیلتره، فرانسا) + آلمانیا طرفین‌دن ایمضالانمیشدی.

آمریکا ساوونما ناظیری، افغانیستان‌داکی وضعیتله باغلی چیخیش‌لاریندا ایسه، روسیا، ایران، هیندیستان و پاکیستانین رولونون نظره آلینماسی لازیم اولدوغونو وورغولاییب،

پاکیستانین" رولونون اوزرینه گوجلو بیر شکیلده گئدجگیک. ناتونون طلب‌لری‌نین ایسلام آباددا دویولوب منیمسنیلمه‌سی لازیم‌دیر" ایفاده‌سینی ایستیفاده ائتدی.



ایلگیلی‌لی خبرلر