هونگ کونگده موستقیللیک طرفدارلاری، گؤستری تشکیل ائتدی
گؤستریده، پروتستوجولار سیاه تی شؤرتلر گیئرک چتر دئوریمینه عاطفن چترلر داشیدی
چینین هونگ کونگ اؤزل اداری بؤلگهسینده موستقیللیک طرفدارلاری، گؤستری تشکیل ائتدی. " South China Morning Post" قزئتینین خبرینه گؤره، مینلرله اینسان، 2014-جی ایلدکی "چتر اینقیلابی" حرکاتینا قاتیلان و 6 ایله 8 آی حبس جزاسی وئریلن اوچ موستقیللیک طرفداری سیاسی فعال لئهینه کؤستری رئاللاشدیردی. گؤستریده، هونگ کونگ باش یؤنتیجیسی کاریه لاما، اؤزل اداری بؤلگهنین عدلیه ناظیری اولاراق وظیفه یئرینه یئتیرن ریمسکی یونی وظیفهدن آلماسی چاغیریشی ائدیلهرک "سیاسی محکوملارا دستک" و "سیویل اطاعتسیزلیک جینایت دئییل" شعارلاری آتیلدی.
گؤستریده، پروتستوجولار سیاه تی شؤرتلر گیئرک چتر دئوریمینه عاطفن چترلر داشیدی. هونگ کونگ یوکسک محکمهسی، آغوستوس آییندا “Occupy Central” شعاری ایله باشلایان یاسا دیشی گؤستریلری اورگانیزه ائتدیکلری و باشقالارینی دا حرکته تشویق ائتتیکلری سببی ایله یوشوا وونگ چی-فونگا 6، ناتان لاو گون-چونا 8 و آلکس چوو یونگ-کانگا 7 آی زیندان جزاسی وئرمیشدی. چین، آغوستوس 2014ده هونگ کونگ خالقینین مارس آییندا ائدیلن سئچیمده اؤز لیدرلرینی سئچهبیلهجگینی سؤیلمیش آنجاق آدایلارین گئنیش تمثیللی بیر کومیته طرفیندن بلیرلنهجگینی آچیقلامیشدی. بونون اوستونه باغیمسیزلیق یانلیلاری، هونگ کونگدا گؤستریلر دوزنلمیشدی. " Occupy Central " شعارییلا باشلایان حادثهلر، نوماییشچیلرین پولیسین ایستیفاده ائتدیغی گؤز یاشاردیجی گازا قارشی اؤزلرینی قوروماق اوچون چتیر آچماسی سببیله اولوسلار آراسی توپلومدا "چتر اینقیلابی" اولاراق آدلاندیریلمیشدی.
هونگ کونگ، 1898-جی ایلده ایمضالانان "کیرایه موقاویلهسی" اوزون ایللر اینگیلتره حاکمیتینده قالدیقدان سونرا 1997-جی ایلده چینه دئور ائدیلمیشدی. ایمضالانان اورتاق بیاننامه چرچیوهسینده هونگ کونگا، 2047-جی ایله قدر چینه یالنیز خاریجی سیاست و ساوونما کیمی ساحهلرده باغلی قالاراق "تک اؤلکه، ایکی سیستم" سیاستی ایله اداری موستقیللیگینی و قورولوشونو قوروما حاقی تانینمیشدی.