بیرلشمیش میللت‌لر امنیت شوراسی، عراق کورد بؤلگه‌سیندکی رفراندوم قونوسوندا اویاردی
بیرلشمیش میللت‌لر امنیت شوراسین‌دا بوتون عضو‌لرین راضی‌لیغی ایله قبول ائدیلن مطبوعات بیاناتیندا، شیما‌لی عراقدا 25 سپتامبردا کئچیریلمه‌سی پلان‌لاش‌دیریلان رافراندومو ایله باغلی قایغی‌لار وورغولانیب
بیرلشمیش میللت‌لر امنیت شوراسی، عراق کورد بؤلگه‌سل رهبرلیگی‌نین (ایکبی) موستقیل‌لیک اوچون رفراندوم ائتمه‌سی‌نین بؤلگه‌ده ایستیقرارسیزلیغا یول آچا بیله‌جگی خبردارلیق ائتدی.
بیرلشمیش میللت‌لر امنیت شوراسین‌دا بوتون عضو‌لرین راضی‌لیغی ایله قبول ائدیلن مطبوعات بیاناتیندا، شیما‌لی عراقدا 25 سپتامبردا کئچیریلمه‌سی پلان‌لاش‌دیریلان رافراندومو ایله باغلی قایغی‌لار وورغولانیب.
بیاناتدا بو ایفاده‌لره یئر وئریلدی:
بیرلشمیش میللت‌لر" امنیت شوراسی عضو‌لری، عراق کورد بؤلگه‌سل رهبرلیگی‌نین بؤلگه ایستابیل‌لیگی پوزما پوتانسیلی اولان بیرطرف‌لی رفراندومو پلانلاریندان ناراحات‌لیق دویور. داعش ایله موباریزه‌نین داوام ائتدیگی بیر دؤورده آلینان رفراندوم قراری‌نین 3 میلیون‌دان چوخ قاچقین و یئرین‌دن ائدیلمیش شخص‌لرین تهلوکه‌سیز و کؤنول‌لو شکیلده قاییدیشینا کؤلگه سالا‌جاق‌دیر. بیرلشمیش میللت‌لر امنیت شوراسی عضو‌لری عراقین حاکمیتی، اراضی بوتؤو‌لوگو و بیرلیگینه حؤرمت ائتمه‌یه داوام ائدیر، مرکزی حکومت و عراق کورد بؤلگه‌سل رهبرلیگی آراسین‌داکی بوتون پروبلم‌لرین طرف‌لر آراسیندا دیالوق یولو ایله حلّ ائدیلمه‌سی چاغیریشی ائدیر".
ایلگیلی‌لی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیش‌کسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب
