بارسلونا سالدیرقانی اؤلدورولدو
کاتالان پلیسی، لا رامبلا جاده‌سینده گرچکلشن سالدیرینین شبهه‌لی‌سی مراکش اصیل‌لی 22 یاش‌لی ابو یعقوبو آختاریردی
ایسپانیانین بارسلونا شهرینده جمعه آخشامی گونو ترور هؤرگوتو داعش طرفین‌دن تشکیل ائدیلن و 14 نفرین حیاتینی ایتیردیگی سالدیرینین باش شبهه‌لی‌سی یونوس ابو یعقوب، عملیاتلا اؤلدورولدو.
ابو یعقوبون، لا رامبلا کوچه‌سینده پیادا یولونا گیره‌رک، 14 نفرین اؤلومونه 120 نفرین ده یارالانماسینا سبب اولان مینی‌بوسو سورن شخص اولدوغو ایفاده ائدیلیر.
کاتالان پلیسی، لا رامبلا جاده‌سینده گرچکلشن سالدیرینین شبهه‌لی‌سی مراکش اصیل‌لی 22 یاش‌لی ابو یعقوبو آختاریردی.
یئرلی مطبوعات، بیر قادینین، بیر شخصی ابو یعقوبا بنزه‌ده‌رک پلیسه خبر وئردیگینی بیلدیردی.
تلفنلا وئریلن خبرین آردین‌دان ابو یعقوبون اولدوغو یئره عملیات تشکیل ائدیلدی. آیریجا ائتکیسیز حالا گتیریلن شبهه‌لی‌نین اوزرینده پاتلاییجی یوک‌لو بیر کمرین اولدوغو، بونون ساختا اولوب اولمادیغینا باغلی بومبا امحاء قروپ‌لاری‌نین چالیشما یئریتدیک‌لری قید ائدیلدی.
بارسلونا شهر مرکزینده تشکیل ائدیلن سالدیری‌دان ساعات‌لار سونرا شهرین گونئیین‌ده‌کی کامبریلس‌ده بیر نفر داها یئنه بیر اتومبیلله تشکیل ائدیلن سالدیریدا اؤلدورولموشدو.
