ترامپ، پوتینه تشکر ائتدی

"اونا تشکر ائتمک ایسته‌ییرم، چونکو پرسنل اوچون ائتدیگیمیز خرج‌لری کیسمه‌یه چالیشیریق"

788020
ترامپ، پوتینه تشکر ائتدی

آمریکا پرزیدنتی دونالد ترامپ، روسیا‌داکی دیپلومات‌لارینی گئری گؤندردیگی اوچون دؤولت باشقانی ولادیمیر پوتینه تشکر ائتدی.

آمریکا لیدئری،

"اونا (پوتینه) تشکر ائتمک ایسته‌ییرم، چونکو پرسنل اوچون ائتدیگیمیز خرج‌لری کیسمه‌یه چالیشیریق. منه گلینجه، چوخ ساییدا انسانی گؤندردیگی اوچون موتلویام چونکو ایندی پرسنل ساییمیز داها آز. اونلارین گئری دؤنمه‌سی اوچون هئچ بیر سبب یوخ‌دور" دئدی.

روسیا دؤولت باشقانی پوتین، موسکوانین آمریکادا گئچن ایل تشکیل ائدیلن باشقانلیق سئچیملرینه موداخیله ائتدیگی ادعا‌لاری سبب گؤستریله‌رک کنگره‌دن گئچن تخریم قانونونا قارشیلیق اولا‌راق، آمریکانین دیپلوماتیک میسیونلاری ساییسی‌نین 1 سپتامبر تاریخینه قدر 755 نفر آزالدیلاجاغینی آچیقلامیشدی.

بئله‌جه آمریکانین روسیا‌داکی دیپلوماتیک نماینده‌لیک‌لرینده چالیشانلارین ساییسی 1 سپتامبردا 455 نفره ائنمیش اولا‌جاق.

بو سایی، روسیانین آمریکاداکی دیپلوماتیک نماینده‌لیک‌لرینده چالیشان آدام ساییسینا برابر گلیر.

ترامپین سلفی باراک اوبامانین رهبرلیگی، روسیانین آمریکا سئچیم‌لرینه موداخیله ائتدیگی ادعا‌لاری سببیله روسیایا عاید ایکی دیپلوماتیک تاسیسه ال قویموش و 35 روس دیپلوماتی دا سینیردیشی ائتمیشدی.



ایلگیلی‌لی خبرلر