ترامپ امضالادی

"تهران و پیونگ یانگ رژیم‌لری‌نین پیس فعالیت‌لرینی جزالان‌دیرماق و قارشی‌سینی آلماق اوچون سرت تدبیرلر آلینماسینی اونایلاییرام"

782709
ترامپ امضالادی

آمریکا پرزیدنتی ترامپ، کنگره‌نین روسیا، ایران و قوزئی کره‌یه قارشی یئنی تحریم لایحه‌سینی "جدی اؤلچوده ناقص" اولماسینا قارشی "اولوسال بیرلیک" اوچون ایمضالادی.

یاسا‌لاشان لایحه، ترامپین اؤلکه‌سی‌نین روسیایا تطبیق ائتدیگی تحریم‌لری قالدیرماغا یا دا دییشدیرمه‌یه دایر اولاسی آددیم‌لاری‌نین، کنگره‌نین تصدیقینه تابع توتولماسینی اؤن گؤرور.

ترامپ یازیلی آچیقلاماسیندا، کنگره‌نین "آمریکانین دوشمنلریله تحریم‌لر یولویلا مباریزه یاساسی"نا دایر قانون لایحه‌سینی ایمضالادیغینی بیلدیردی.

آچیقلامادا، ترامپ،

"تهران و پیونگ یانگ رژیم‌لری‌نین پیس فعالیت‌لرینی جزالان‌دیرماق و قارشی‌سینی آلماق اوچون سرت تدبیرلر آلینماسینی اونایلاییرام. آیریجا، آمریکانین دموکراتیک پروسه‌سینه مداخیله‌نین خوش گؤرولمه‌یه‌‌جگینی و روسیانین تخریب ائدیجی، ثابت‌لیک پوزوجو حرکت‌لرینه قارشی متفیقلریمیز و دوست‌لاریمیزین یانیندا یئر آلاجاغیمیزا دستک وئریرم" ایفاده‌لرینه یئر وئردی.

آنجاق کنگره‌دن اکثریتین قبولو ایله گئچن یاپتیریم تاساریسینا دایر قایغیلاری اولدوغونو خاطیرلا‌دان ترامپ،

کنگره ‌یه لایحه‌نین باشقان‌لیق صلاحیتینی بیر چوخ شکیلده غصب ائتدیگی، آمریکا‌لی شیرکت‌لری پیس دوروما گتیردیگی و آوروپا‌لی متفیقلریمیزین ماراق‌لارینا ضرر وئردیگینه دایر قایغیلاریم وار" دئدی.

ترامپ، "بو لایحه، یئریتمه ارکینین صلاحیتینی سینیرلاندیراراق، آمریکانین داها یاخشی آنلاشما‌لارا گیریشینی چتین‌لش‌دیره‌جک، روسیانی، چینی و قوزئی کره‌نی داها یاخین‌لاش‌دیرا‌جاق" اویاریسینی ائتدی.



ایلگیلی‌لی خبرلر