آمریکا، عراق کورد بؤلگه‌سل رهبرلیگی‌نی اویاردی

هیلی، عراق کورد بؤلگه‌سل رهبرلیگی‌نین سپتامبر آییندا ائتمگی پلانلادیغی "موستقیل‌لیک رفراندومو"نون دقت‌لری اؤنجه‌لیکلی هدف‌لردن باشقا ایستیقامته چئویرجگی سببیله، ناراحات اولدوق‌لارینی بیلدیریب

773420
آمریکا، عراق کورد بؤلگه‌سل رهبرلیگی‌نی اویاردی

 

آمریکانین بیرلشیک میلت‌لر دایمی نماینده‌سی هیلی، عراق کورد بؤلگه‌سل رهبرلیگی‌نین سپتامبر آییندا ائتمگی پلانلادیغی "موستقیل‌لیک رفراندومو"نون دقت‌لری اؤنجه‌لیکلی هدف‌لردن باشقا ایستیقامته چئویرجگی سببیله، ناراحات اولدوق‌لارینی بیلدیریب.

هیلی، بمت باش کاتیبی‌نین عراق خصوصی نماینده‌سی ژان کوبیس ایله گؤروشمه‌سی‌نین آردین‌دان ائتدیگی یازی‌لی آچیقلامادا، کوبیسله عراقدا موصولون ترور تشکیلاتی داعشدن کورتاریلماسین‌دان سونراکی وضعیتی و یئرلرین‌دن ائدیلن خالقین ائولرینه دؤنمه‌سینی دانیشدیق‌لارینی بیلدیریب.

عراق‌لی کوردلرین قانونی ایستک‌لرینه حؤرمت دویدوغونو ایفاده ائدن هیلی، "هر جور موستقیل‌لیک رفراندومو، عراق اوچون اؤنجه‌لیک اولان داعش ایله موباریزه و اؤلکه‌نین بوتون عراق‌لی‌لار اوچون ثابت حالا گتیریلمه‌سی هدف‌لرین‌دن دقت‌لرین داغیلماسینا سبب اولور. بون‌دان نیگرانیق." ایفاده‌لرینی ایستیفاده ائتدی.

عراق کورد بؤلگه‌سل رهبرلیگی باشقانی مسعود بارزانی، عراق کورد بؤلگه‌سل رهبرلیگی پارلامنتینده یئر آلان سیاسی پارتی نماینده‌لری 7 ژوئنده اربیل‌ده ائتدیگی توپلانتیدا "موستقیل‌لیک رفراندومو" اوچون 25 سپتامبر تاریخی‌نین تعیین اولوندوغو آچیقلامیشدی.



ایلگیلی‌لی خبرلر