TRT World 15 ژوئیه چئوریلیش جهدی ایله باغلی توپلانتی لار تشکیل ائده‌جک
TRT World همچنین بو 15 ژوئیه دؤولت چئوریلیشی جهدی ایله باغلی پانئل‌لر بو هفته (آذربایجان) باکی، (اینگیلتره) لندن و (ژاپن) توکیودا باش توتا‌جاق اوچ توپلانتی ایله باشلایا‌جاق.
اولوسلار آراسی خبرچی‌لیک آنلاییشینا یئنی بیر دوشونجه طرزی گتیرمه‌یی هدفله‌ین تورکیه‌نین ایلک اینگیلیس دیل‌لی خبر کانا‌لی TRT World فتح الله چی ترور تشکیلاتینین (فتو) 15 ژوئیه خاین دؤولت چئوریلیشی جهدینی 10 فرق‌لی اؤلکه‌ده پانئل‌لر تشکیل ائده ره ک دونیایا آنلاتیر.
TRT World –دان وئریلن معلوماتا گؤره، تلویزیونون بازاسیندا یارادیلان آراشدیرما مرکزی طرفیندن ژوئیه، آوقوست و سپتامبر آیلاریندا مؤضوع ایله علاقه‌دار کنفرانس و پانئل‌لر تشکیل اولونا‌جاق. توپلانتی‌لاردا فتونون دؤولت چئوریلیشی جهدینی ائو صاحبی اؤلکه‌لری‌نین ژورنالیست‌لری، متخصص‌لری و سیاستچی‌لری موذاکیره ائده‌جک‌لر.
اینگیلتره، بلژیک، روسیا، ژاپن، قطر، ایران، جنوبی افریقا، آذربایجان، بوسنی و هرزگوین و کانادادا کئچیریله‌جک توپلانتی‌لاردا 15 یول دؤولت چئوریلیشی جهدی‌نین آرخا پلانین‌دان، بونون تورکیه‌نین ایچ و خاریجی سیاستینه تأثیرلرین‌دن، فتو ایله موباریزه‌ده قت ائدیلن یول‌لاردان دانیشیلا‌جاق.
TRT World دؤولت چئوریلیشی جهدینی خاریجی ژورنالیست‌لرین گؤزو ایله تحلیل ائدن و رداکتورو خلیل بئرکتای طرفیندن ائدیلن کیتاب دا بو توپلانتی‌لاردا تقدیم ائده‌جک.
TRT World همچنین بو 15 ژوئیه دؤولت چئوریلیشی جهدی ایله باغلی پانئل‌لر بو هفته (آذربایجان) باکی، (اینگیلتره) لندن و (ژاپن) توکیودا باش توتا‌جاق اوچ توپلانتی ایله باشلایا‌جاق.
ژوئیه آیی‌نین 12-ده آذربایجاندا قافقاز اولوسلار آراسی موناسیبت‌لر و استراتژی آراشدیرما‌لار مرکزی (QAFSAM) ایله بیرگه تشکیل اولونان و تورکیه-آذربایجان پارلامئنتلراراسی دوستلوق قروپونون صدری نجدت اونووارین، میللت وکیلی عایشه کشیرین و ترت World خبر دیرکتورو فاتح ائرین ایشتیراکی ایله باشلایا‌جاق توپلانتی‌لار لندن-ده RUSI ایله بیرگه تشکیل اولونان و جمهور باشقانی‌نین باش موشاویری گولنور آیبت-ین، خاریجی ایشلر ناظرلیگی‌نین امکداشی فاطما جرن یازقانین و ترت World پروقرام دیرکتورو رسول سردار آتاشین ایشتیراکی ایله، ژوئیه آیی‌نین 14-ده اینگیلتره‌ده و توکیودا SASAKAWA باریش فوندو ایله بیرگه تشکیل ائدیلن و جمهور باشقانلیغی قورومسال علاقه لر شعبه‌سی‌نین صدری موجاهید کوچوک یلمازین، سابانجی اونیورسیته‌سینین معلمی، تاریخچی خلیل بئرکتایین و SETA تهلوکه‌سیزلیک آراشدیرما‌لاری شعبه‌سی‌نین دیرئکتورو موراد یئشیلتاشین ایشتیراک‌لی ایله ژاپن-دا کئچیریله‌جک توپلانتی‌لارلا داوام ائده‌جک.
ایلگیلی‌لی خبرلر
کنگو دموکراتیک جمهوریتینده تورپاق سوروشمه‌سی نتیجه‌سینده 15 نفر اؤلوب
ایدیوفا شهری یاخینلیغینداکی لیماندا باش وئرن سوروشمه نتیجه‌سینده 15 نفر اؤلوب، 60 نفر ایتکین دوشوب
