710 میلیون انسان کؤچ ائتمک ایستهییر
تورکیه ان چوخ کؤچ ائدیلمک ایستنیلن اؤلکهلر آراسیندا 15.جی سیرادا یئر آلدی
یئر اوزونده 710 میلیون انسان باشقا اؤلکهده یاشاماق ایستهییر. بو شخصلرین سئچدیگی اؤلکهلر آراسیندا ایسه تورکیه 15.جی سیرادا.
بیرلشمیش میلتلر تشکیلاتینین اولوسلارآراسی کؤچ هؤرگوتو، گاللوپ شیرکتینه 160دان چوخ اؤلکهده ائتدیردیگی آراشدیرمانین نتیجهلرینی آچیقلادی.
آراشدیرمادا یئتیشکین شخصلره "ایمکانینیز اولسا قالیجی اولاراق باشقا بیر اؤلکهیه کؤچ ائتمک ایسترسینیز می؟"، "باشقا بیر اؤلکهیه اؤنوموزدکی بیر ایل ایچینده کؤچ ائتمه پلانینیز وار می؟" و "اؤنوموزدکی بیر ایل ایچینده باشقا اؤلکهیه کؤچ ائتمک اوچون هر هانسی بیر حاضرلیق ائتدینیز می؟" سواللاری یؤنلدیلدی.
وئریلن جاوابلارا گؤره 710 میلیون نفرین ایمکانی اولسا باشقا بیر اؤلکهیه قالیجی اولاراق کؤچ ائتمک ایستهدیگی، 66 میلیون نفرین بیر ایل ایچینده کؤچ ائتمهیی پلانلادیغی، 23 میلیون نفرین ایسه بو مقصدله حاضرلیقلارا باشلادیغی تعیین اولوندو.
راپوردا پتانسیل کؤچکونلرین ان چوخ گئتمک ایستهدیگی اؤلکهلرین آمریکا، اینگیلتره، عربیستان، فرانسا، کانادا، آلمانیا و گونئی آفریکا، کؤچ ائتمهیی دوشوننلرین ان چوخ اولدوغو اؤلکهلرین ایسه نیجریه، هیندیستان، دموکراتیک کنگو جمهوریتی، سودان، بنگلادش و چین اولدوغو دقت چکدی.
تورکیه ان چوخ کؤچ ائدیلمک ایستنیلن اؤلکهلر آراسیندا 15.جی سیرادا یئر آلدی. کؤچ ائتمک ایستهینلرین بؤیوک اکثریتی آفریقا و آسیادا یاشایانلاردیر.