قوزئی کوره، یئنه اورتا منزیل‌لی موشک سیناغی ائتدی

قوزئی کوره، یئنه اورتا منزیل‌لی موشک سیناغی ائتدی.

گونئی کوره باش قرارگاه باشقانلیغین‌دان ائدیلن آچیقلامادا، "قوزئی کوره، یئرلی ساعتلا 09.40دا قوزئی پیونگان شهری یاخینلیغین‌داکی بانگهیون نیظامی پایگاهین‌دان موشک آتدی." ایفاده‌سی یئر ائتدی.

موشک 930 کیلومتر گئده‌رک ژاپون دنیزینه دوشدو.

بو آرادا ژاپون حکومت سؤزچوسو یوشیهیده سوگا، ژورنالیست‌لره ائتدیگی آچیقلامادا، موشک‌ین 40 دقیقه اوچدوغونا و ژاپونون ژاپون دنیزینده ایقتیصادی حاق ادعا ائتدیگی سولارا دوشدوگونه دقتی چکدی.

آمریکا پرزیدنتی دونالد ترامپ دا موشک سیناغینا اجتماعی مئدیا اوزرین‌دن اعتراض گؤستره‌رک، بون‌لاری قید ائتدی:

"بو آدام‌لارین حیات‌لاریندا ائتدیک‌لری داها یاخشی بیر شئی یوخ‌دور مو؟ گونئی کوره و ژاپونون بونا داها چوخ دؤزه اینانماق چتین‌دیر. بلکه ده چین، قوزئی کوره‌یه آغیر تضییق ائدر و بو معنا‌سیز حادثه‌یه آرتیق بیر سون وئریر."

ترامپ، ایلک دفعه آغ ائوده قوناق گونئی کوره دولت باشقانی موون جی-این ایله اووال اوفیس‌دکی گؤروشون‌دن سونرا تشکیل ائتدیگی مطبوعات کونفرانسیندا، "قوزئی کوره رژیمینه قارشی ایستراتژی صبیر دؤورو اوغورسوز اولدو. ویجدانلا سؤیلمک لازیم اولسا صبریمیز سونا چاتدی." دئمیشدی.

آمریکا باشقانی کؤمکچی‌سی مایک پنس، آسیا تورو چرچیوه‌سینده 17 آوریلده گونئی کوره ایله قوزئی بیر-بیرین‌دن آییران عسگردن تمیزلنمیش بؤلگه‌نین (DMZ) زیارت ائتمیش و قوزئی کوره رژیمی‌نین نوکلئر سیلاح‌لاری و بالیستیک موشک‌لری بوراخماغا یاناشمادیغینا ایشاره ائده‌رک، "آمریکانین ایستراتژی سایبر دؤورو سونا چاتمیش‌دیر. " شکلینده دانیشمیشدی.