کرالیچه 2.جی الیزابتین آیلیغی آرتدی
کرالیچه‌نین مالی ایشلرین‌دن مسئول آلن رید، کرالیچه 2.جی الیزابتین بودجه‌دن آیریلان پای قارشیلیغیندا بیرلشمیش کرال‌لیغی سون درجه یاخشی بیر شکیلده تمثیل ائتدیگینی ایفاده ائتدی
اینگیلیس حکومتی کرالیچه 2.جی الیزابتین آیلیغینی آرتیردی.
اینگیلیس حکومتی، کرالیچه 2.جی الیزابتین خرج‌لری اوچون آیریلان بودجه‌نین 2018-2019 دؤورونده یوزده 8 آرتیریلا‌راق 82،2 میلیون اینگیلیس استرلینگینه یوکسلتیلدیگینی آچیقلادی.
کرالیچه‌نین مالی ایشلرین‌دن مسئول آلن رید، کرالیچه 2.جی الیزابتین بودجه‌دن آیریلان پای قارشیلیغیندا بیرلشمیش کرال‌لیغی سون درجه یاخشی بیر شکیلده تمثیل ائتدیگینی ایفاده ائده‌رک،
"کرالیچه‌یه آیریلان بودجه‌دن ائدیلن توپلام خرجلمه ایللیک آدام باشینا 65 پنس دولاییندا. بو بیرینجی صینیف دامغانین قارشی‌لیغی" دئدی.
رسمی معلومات‌لارا گؤره کرالیچه 2.جی الیزابت و کرال عائله‌سی‌نین 2016-2017 دؤورون‌دکی رسمی سفر‌لری‌نین توپلامی 4،5 میلیون استرلینگه باشا گلدی.
گئچن ایل شاهزاده چارلز و حیات یولداشی کامیلانین "کام فورس وان" آدلی رسمی اوچاقلا ایتالیا، رمانی و اتریشه ائتدیگی سفرلر ایسه توپلامدا 154 مین استرلینگ توتدو.
کرالیتین بوتون وارلیقلاریندان الده ائتدیگی ایجاره گلیرلری ایسه 2016-2017 دؤورونده 24،7 میلیون استرلینگ آرتا‌راق توپلام 328،8 میلیون استرلینگه یوکسلدی.
داها اؤنجه 2.جی الیزابتین قالدیغی باکینگهام سارایی‌نین ایشلری اوچون 369 میلیون استرلینگ‌لیک بیر بودجه‌نین آییریلدیغی، بو مبلغین سارایین ایستی‌لیک، سویوتما، الکتریک آلت یاپیسینی مدرنلشدیریلمک اوچون خرجلنه‌جگی آچیقلانمیشدی.
ایلگیلی‌لی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیش‌کسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب
