فرانسانین مدافعه ناظیری ایستعفا وئردی

فرانسانین مدافعه ناظیری سیلوی گولار وظیفه‌سیندن ایستعفا وئردی.

بونا سبب ناظیرین پارتیسی ایله باغلی قال‌دیریلان سوروشدورما اولوب. ناظیر بیلدیردی کی، او، پرزیدنتین نظرده توتدوغو یئنی کابینه‌نین ترکیبینده اولماق ایستمیر.

سیلوی گولار دموکراتیک حرکات پارتیسی‌نین عضوودور. امانوئل ماکرون پرزیدنت سئچیلدیک‌دن سونرا دموکراتیک حرکات پارتیسی حاکم پارتی ایله اتفاق قوروب.

لاکین حاضیردا بو پارتی‌یه قارشی آوروپا پارلامئنتینده غیری -قانونی ایشلری ایله علاقه‌دار سوروشدورما پروسه‌سی باشلادیلیب. ناظیر سوروشدورمانین پارتی‌نین فعالیتینه کؤلگه سالماسینی ایستمه‌دیگینی بیلدیریب.