ترامپین دا روسیا سوروشدورولما قاپسامینا آلدیغی ادعا ائدیلدی
آمریکان واشینگتون پوست قزئتینین خبرینه گؤره، ترامپ محکمهیه مانع تؤرتمکله گوناهلاندیریلیر
آمریکادا باشقانی دونالد ترامپین سئچیم کامپانیاسی قروپونون روسیا ایله علاقهلرینی آراشدیران اؤزل ساوجی فدرال تحقیقات بوروسو (اف.بی.آی) اسکی دیرکتورو رابرت مولرین، ترامپین دا سوروشدورولما قاپسامینا آلدیغی ادعا ائدیلدی.
آمریکان واشینگتون پوست قزئتینین خبرینه گؤره، ترامپ محکمهیه مانع تؤرتمکله گوناهلاندیریلیر.
سوروشدورما قاپسامینا ایندییه قدر یالنیز ترامپین قروپونداکی آدلار آلینمیشدی.
دونالد ترامپ اؤزل حاقیندا سوروشدورما ائدیلمهسینین سؤز موضوعسو اولمادیغینی ساووندو.
قزئتین خبرینده آرالاریندا میللی کشفیات باشقانی دان کواتس، میللی امنیت دایرهسی باشقانی مایک راجرز و راجرزین اسکی کؤمکچیسی ریچارد لجت اولماقلا گیزلی سرویسلرین مشهور نمایندهلری اؤزل ساوجییا ایفاده وئرمهیه حاضیر اولدوقلارینی آچیقلادیقلاری ایفاده ائدیلدی.
سورغولاماغا بو هفته باشلانماسی گؤزلنیلیر.
ترامپین وکیلی مارک کاسوویتز یایینلادیغی خبره گؤره واشینگتون پوستون آغیر بیر دیلله تنقید ائتدی.
سوروشتورماداکی گیزلی خوصوسلارین مئدیایا سیزدیریلماسینین "ایسکاندال، باغیشلانماز و غیری-قانونی" اولدوغونو سؤیلهین کاسوویتز قزئتین خبرینی ایسه یالان سایمادی.
دونالد ترامپ حاقیندا سوروشدورما آچیلماسینا، اسکی دانیشمانی مایکل فلین حاقینداکی سوروشدورمایا سون وئریلمهسی اوچون مسئول اورقانلارا باسقی ائتمه تشببوسونده اولماسی سبب اولموشدو.
روسیا ایله ایرتیباطلار ایسکاندالینین کیلید آدی فلین، موسکوا ایله تماسلاری حاقیندا یالان سؤیلدیگی اوچون وظیفهدن آیریلماق مجبوریتینده قالمیشدی.
'واشینگتون پوست قزئتینین خبرینده، مولرین ترامپین مارس آییندا کشفیات باشقانی کواتس ایله ائتدیگی گؤروشمهده دانیشیلانلاری اؤیرنمک ایستدیگی ایفاده ائدیلیر.
کواتس گووندیغی اینسانلارا، باشقانی اسکی اف.بی. آی باشقانی جیمز کومینین فلین حاقیندا باشلاتدیغی تحقیقاتین باغلاماسی اوچون اونا باسقی ائتدیگینی سؤیلمیشدی.
کومی کئچن آی ترامپ طرفیندن وظیفهدن اوزاقلاشدیریلمیشدی.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب