آمریکا عدالت ناظیری جف سشنز، روسلارلا باغلانتیلی ادعاسینی رد ائتدی
سشنز، سئچیملردن اوّل بعضی روسلارلا و روسیانین واشینگتون سفیری سئرگئی کیسلیاک ایله گیزلی دانیشیقلار ائتمیش اولا بیلهجگی ادعالارینین، اساسسیز اولدوغونو ساووندو
آمریکا عدالت ناظیری جف سشنز، 8 نوامبرداکی پرزیدنت سئچیملری کامپانیاسی دؤورونده روسلارلا باغلانتی حالیندا اولدوغو ادعالارینا "اورکودوجو و پیس بیر یالان" سؤزلری ایله اعتراض ائتدی.
آمریکا سناتوسو کشفیات کومیتهسینده روسیا سوروشدورماسی ایچینده سناتورلار سواللارینی جوابلایان سشنز، سئچیملردن اوّل بعضی روسلارلا و روسیانین واشینگتون سفیری سئرگئی کیسلیاک ایله گیزلی دانیشیقلار ائتمیش اولا بیلهجگی ادعالارینین، اساسسیز اولدوغونو ساووندو.
سشنز، آوریل 2016دا باشکند واشینگتونداکی مای فلاور اوتلده روس سفیر کیسلیاک ایله اؤزل بیر گؤروشمه ائتدیگی ادعالارینا دا جواب وئرهرک، سؤز موضوعسو گؤروشمهنین کوتلهنین آراسیندا بیر چوخ اینسانین گؤزو قارشیسیندا و چوخ قیسا بیر شکیلده رئاللاشدیغینی دیله گتیردی.
توپلومدا گوندمه گتیریلن سؤز موضوعسو گؤروشو "بیر رسپسیونداکی سیرادان بیر گؤروشمهایدی" دئیه خاراکتریزه ائدن سشنز، سئچیم کامپانیاسی یا دا او قاپسامداکی هئچ بیر موضوعنون ایسه قونوشولمادیغینی وئرمیشدیر.
کیسلیاک ایله بیر دفعه داها گؤروشدوگونو یازان سشنز، بو گؤروشمهنین ده آچیق بیر موحیطده رئاللاشدیغینی و سئچیملرله هئچ بیر شکیلده باغلی اولمادیغینی ادعا ائتدی.
فدرال تحقیقات بوروسو (اف.بی.آی) اسکی دیرکتورو جیمز کومینین وظیفهسینه سون وئرن آمریکا پرزیدنتی دونالد ترامپ ایله ائتدیگی اؤزل دانیشیقلاری دا سوروشولان سشنز،
"پرزیدنت ایله اؤزل دانیشیقلاریمیز آچیقلامایاجاغام." ایفادهسینی ایستیفاده ائتدی.
ترامپ ایله روسیا سوروشدورماسی، کومینین وظیفهسینه سون وئریلمهسی و روسیا سوروشدورماسینا تعیین اولونموش اؤزل ساوجی رابرت مولر حاقینداکی دانیشیقلارینا دایر آیرینتی وئرمهین ناظیر سشنز، خالقا آچیق بیر ایجلاسدا فرضیهیه گیرمیهجگینی ایفاده ائتدی.
دیگر طرفدن، ایجلاس عرضینده بعضی سواللارا جواب وئرمهین سشنز، دموکراتلارین اعتراضی ایله قارشیلاشدی.
سشنزی، حاقیندا معلومات صاحبی اولدوغو موضوعلارلا باغلی قونوشماماقلا گوناهلاندیران دموکراتلارا خیطاب اولاراق آمریکالی ناظیر، کیمسهدن بیر شئی ساخلامادیغینی سؤیلهدی.