آفریقا‌دان آوروپایا گئتمک ایسته‌ین 44 گؤچمن، صحرا چؤلونده سوسوزلوق‌دان اؤلدو

غرب آفریقا‌دان آوروپایا گئتمک ایسته‌ین آرا‌لاریندا قادین و کؤرپه‌لرین ده اولدوغو 44 گؤچمن، صحرا چؤلونده سوسوزلوق‌دان حیاتینی ایتیردی.

نیجر یئرلی مطبوعاتیندا چیخان خبرلره گؤره، اؤلکه‌نین جنوبوندا گؤچمن‌لری داشییان یوک ماشینی‌نین پوزولماسی نتیجه‌سینده آرا‌لاریندا اوشاق‌لارین دا اولدوغو 44 آدام سوسوز قالا‌راق حیاتینی ایتیردی.

نیجرین بیلماک بؤلگه‌سین‌دکی قیزیل خاچ کؤمک قورولوشو مسئولو لاوال طاهر، غرب آفریقا‌دان آوروپا اؤلکه‌لرینه چاتماق اوچون یولا چیخان گؤچمن‌لاردان یالنیز 6 آدامین حیاتدا قالدیغینی سؤیله‌دی.

طاهر، حیاتدا قالماغی باشاران‌لارین یاخین‌لارداکی بیر کنده آپاریلا‌راق معا‌لیجه آلتینا آلیندیغینی قید ائتدی.

لاوال طاهر، اؤلن‌لر آراسیندا 3 کؤرپه ایله 3 اوشاق اولدوغونو ایفاده ائتدی.

اؤلن‌لرین غنا و نیجر وطنداشی اولدوغو آچیقلاندی.

آفریقا‌لی گؤچمن‌لر آوروپایا گئتمک اوچون صحرا چؤلونو آشماق مجبوریتینده قالیر.

الجزایرین چؤل بؤلگه‌سینده کئچن ایل ژوئن آییندا آرا‌لاریندا 20 اوشاغین اولدوغو 34 نفرین جسدی تاپیلمیشدی.