امریکا بالیستیک راکت علیهینه مدافعه سیستمینی تست ائتدی

قوزیی کره-نین بالیستیک راکت سیناق‌لارینی آرتیردیگی بیر زاماندا آمریکا دا بالیستیک راکت علیهینه مدافعه سیستمینی سیناق‌دان کئچیردی.

پنتاگون مارشال آدالاریندان‌ بوراخیلان قاره لر آراسی بالیستیک راکتین کالیفرنیا ایالتینده یئرلشن واندربرگ هاوا بازاسینداکی راکت علیهینه مدافعه سیستمی طرفین‌دن اوغورلا وورولدوغو باره‌ده معلومات یایدی.

معلوماتدا سؤزوگئدن سیستمین و آمریکا بالیستیک راکت علیهینه مدافعه سیستمی‌نین ایلک حقیقی آتش سیناغی اولدوغو وورغولانیر، مدافعه سیستمی‌نین هدف راکتین ایز و ایستیقامت معلومات‌لارینی بیر سیرا سنسور و آرام اقیانوسدا یئرلشدیریلمیش X-باند رادارلاری واسطه‌سیله ایله آلدیغی و معلومات‌لار اساسیندا آتش نظارت مکانیزمینی تنظیم‌له‌دیگی ایفاده ائدیلیر.

راکت علیهینه مدافعه سیستمی آژانسی‌نین مودیری کورامیرال جیم سیرینگ سیناغی "اینانیلماز بیر موفقیت" اولا‌راق سجیلندیردی، بو سیستمین آمریکا اراضی‌سینی قوروماق‌داکی اهمیت‌لی رولونو قئید ائتدی.