20 نفر مسجدده اؤلدورولدو
سون ایکی ایلده اؤلکهنین قوزئی دوغوسوندا چوبانلار ایله اکینچیلر آراسیندا چیخان چاتیشمالاردا 400دن چوخ انسان حیاتینی ایتیردی
نیجریهنین نیجر ایالتینده، بیر کند مسجدینه ائدیلن سالدیریدا، ایلک بیلگیلره گؤره 20 نفر حیاتینی ایتیردی.
ایالت پلیس سؤزچوسو بالا القانا، سالدیرینین، کیملیگی هله بیلینمهین شخصلر طرفیندن تشکیل ائدیلدیگینی ایفاده ائتدی.
بؤلگهده اوتلاقلار سببیله کندلی اکینچیلر ایله کؤچری چوبانلار آراسیندا تئز تئز چاتیشمالار میدانا گلیر.
سون سالدیریدان دا فولانی چوبانلارینین مسئول اولدوغو ادعا ائدیلدی.
سون ایکی ایلده اؤلکهنین قوزئی دوغوسوندا چوبانلار ایله اکینچیلر آراسیندا چیخان چاتیشمالاردا 400دن چوخ انسان حیاتینی ایتیردی.
فولانی چوبانلارینین، اؤلکهده خریستیانلارین اکثریتده اولدوغو گونئی بؤلگهلرینده 18.جی عصر ایسلام رفورمچوسو شیخ عثمان دان فودیونون تعلیملرینی یایماغا چالیشدیغی ادعا ائدیلیر.
حیوانلارینا یئم تاپابیلمک اوچون اؤلکهنین گونئیینه کؤچ ائدن فولانیلر، اکینچیلرین حیوانلارینی اوغورلاماغا چالیشدیغینی و اونلارا سالدیردیغینی ادعا ائدیر.
حادثهلرین بعضی مطبوعات قورولوشلاری طرفیندن مسلمان چوبانلاری سوچلاییجی شکیلده وئریلمهسی دقت چکیر.