یوزایلین اوغورلوغو
"سویغونچولار قاچیشلارینی تضمین ائتمک اوچون کسکین نیشانچی قوللاندی و اینسانلارین دقتینی داغیتماق اوچون 10دان چوخ آراجی یاندیردی"
گونئی آمریکا اؤلکهسی پاراگوئهده، عصرین سویغونو گرچکلشدی.
سرحد شهری سیوداد دل استهده، چته عضولری، زرهلی اتومبیل فیرماسینین پول صاندیغینی سویدو.
امنیت یئتکیلیسی آرسنیو کوریا، تخمینا 80 نفرین قاریشدیغی و 3 ساعات داوام ائدن سویغوندا پاتلاییجی و سلاحلارین ایستیفاده ائدیلدیگینی ایفاده ائتدی.
سویغوندا 1 پلیس مامورونون اؤلدوگونو، 3 وطنداشین یارالاندیغینی بیلدیرن کوریا،
"سویغونچولار قاچیشلارینی تضمین ائتمک اوچون کسکین نیشانچی قوللاندی و اینسانلارین دقتینی داغیتماق اوچون 10دان چوخ آراجی یاندیردی" دئدی.
حادثه اؤلکهده "عصرین سویغونو" اولاراق دگرلندیریلدی.
سویغوندا اوغورلانان پولون میقدارینا باغلی هله بیر آچیقلاما ائدیلمزکن بونون 40 میلیون دلار دولاییندا اولدوغو ادعا ائدیلیر.
اؤته یاندان، برزیلده یئرلی مطبوعاتداکی خبرلره گؤره، سویغونچولاردان بعضیلری اؤلکهنین ایتاپولاندیا بؤلگهسینده پولیسله چاتیشدیقدان سونرا قاچاراق ایزلرینی ایتیردی.
خبرلرده، چاتیشمادا چته عضولریندن 3ونون اؤلدورولدوگو 2سینین ده یارالاندیغی قید ائدیلدی.
سویغونچولاری تاپماق اوچون پاراگوئه و برزیلده عملیاتلار داوام ائدیر.