جاسوس اووچولارینا اؤدول
اویقولامایلا، خاریجی شخص و قوروملارین جاسوسلوق فعالیتی و دؤولته عاید بیلگینی خاریجی اؤلکهلره ساتماسینین انگللنمهسی آماجلانیر
چینین باشکندی پکنده، جاسوسلوق ائدن خاریجیلری بیلدیرن وطنداشلارا اؤدول وئریلهجک.
پکن میلی گوونلیک دفترینین یاییملادیغی قرارا گؤره، شهرده جاسوسلوق ائتدیگیندن شبههلنیلن خاریجیلری بیلدیرنه، پایلاشدیغی بیلگینین دگرینه گؤره 100 مین (54 مین تورک لیراسی) ایله 500 مین یوان (270 مین تورک لیراسی) اؤدول وئریلهجک.
اویقولامایلا، خاریجی شخص و قوروملارین جاسوسلوق فعالیتی و دؤولته عاید بیلگینی خاریجی اؤلکهلره ساتماسینین انگللنمهسی آماجلانیر.
اوچ مرحلهلی اؤدول سیستمینین تطبیق اولوناجاغی ایفاده ائدیلن قراردا، اؤلکه وطنداشلاری خاریجیلرین جاسوسلوق فعالیتلرینی تثبیت ائتمهسی وضعیتینده اؤلکهنین گوونلیک مکانیزملرینه تلفن، میل و یا بیرباشا باشووراراق بیلگی وئرهبیلهجک.
اؤلکهده گئچن ایل خاریجی شخصلرله دوستلوق ائدن چینلی قادینلارین کیشی یولداشلارینین جاسوس اولما احتیمالینا قارشی دقتلی اولمالاری لازیم اولدوغو ایفاده ائدیلمیش، بو قونودا اویاری ماهیتینده شکیللر خالقا آچیق ساحهلره آسیلمیشدی.
چینده ایکی ایل قاباق دا جاسوسلوق فعالیتلرینه قارشی "الو جاسوس بیلدیرمه خطی" اویقولاماسی باشلادیلمیشدی.