ایتالیان پارلامنتی، اوشاق کؤچمن‌لره یؤنلیک قانونو قبول ائتدی

آفریقا‌دان ایتالیایا کئچن ایل 25 مین 850 اوشاغین قاچاق یول‌لاردان تک گئتمه‌سی اوزرینه بو قانونو چیخاردی

702258
ایتالیان پارلامنتی، اوشاق کؤچمن‌لره یؤنلیک قانونو قبول ائتدی

ایتالیان پارلامنتی، اؤلکه‌یه قاچاق یول‌لاردان همراهی اولما‌دان گیرن اوشاق کؤچمن‌لرین قورونماسی و دپورت ائدیلممه‌سینه یؤنلیک قانونو قبول ائتدی

پارلامنت، بیرلشمیش میللت‌لر اوشاق‌لارا کؤمک فوندو (یونیسف) معلومات‌لارینا گؤره آفریقا‌دان ایتالیایا کئچن ایل 25 مین 850 اوشاغین قاچاق یول‌لاردان تک گئتمه‌سی اوزرینه بو قانونو چیخاردی.

پارلامنتین آلت قانادی نماینده‌لر مجلیسی و اوست قانادی جمهوریت سناتوسو گنل قوروللاریندا آیری-آیری ائدیلن اویلاما‌لار نتیجه‌سینده اقتدار و مخالیفتین بؤیوک اؤلچوده اوزلاشماسییلا چیخان قانون، ایتالیایا هر هانسی بیر همراهی اولما‌دان گئدن خاریجی اوشاق‌لارین گلدیک‌لری اؤلکه‌لره گؤندریلممسینی، هر جور پیس رفتاردان قورونماسینی و آوروپا بیرلیگین‌دکی یاشیدلارییلا عینی حقوق‌لارا صاحب اولماسینی تشکیل ائدیر.

سؤز موضوعسو لاییحه‌نین قانونلاشماسی آوروپا بیرلیگی اؤلکه‌لری آراسیندا بیر ایلک اولا‌راق قبول ائدیلیر.

باش ناظیر پاولو جنتیلونی، توییتردکی حسابیندا،

"پارلامنت، همراهی اولمایان خاریجی اوشاق‌لارلا علاقه‌دار قانونو تصدیقله‌دی. بو، موشکول دورومداکیلرین قورونماسی و اینتقراسیون اوچون مدنی بیر سئچیم." مساژینی پایلاشدی.

یونیسف ایتالیا شعبه‌سی باشقانی جیاکومو گورئرا دا بو قانونون گؤچمن اوشاق اوچون چوخ اهمیت‌لی بیر آددیم اولدوغونا دقتی چکه‌رک،

"یونیسف، بو قانونون تصدیق ممنونیتله قارشیلاییر." ایفاده‌سینی ایستیفاده ائتدی.



ایلگیلی‌لی خبرلر