"روسیانی گؤز آردی ائدهبیلمریک"
شان اسپایسر، روسیا ایله امکداشلیغا قاپیلارینین باغلی اولمادیغینی ایفاده ائتدی
آمریکا، ترور هؤرگوتو داعش ایله موباریزهده روسیا داخیل هر هانسی بیر اؤلکه ایله امکداشلیغی گؤز آردی ائدهبیلمهیهجکلرینی آچیقلادی.
آغ ائودکی گوندهلیک مطبوعات کنفرانسیندا سوریه و داعشله مباریزه ایله ایلگیلی سواللاری جاوابلایان سؤزچو شان اسپایسر، روسیا ایله امکداشلیغا قاپیلارینین باغلی اولمادیغینی ایفاده ائتدی.
اسپایسر، ترور هؤرگوتو داعش ایله مباریزه پلانینین هله نهایی معنادا تاماملانمادیغینی، بو سببدن سوریه قونوسوندا روسیا داخیل هر هانسی بیر اؤلکه ایله امکداشلیغی گؤز آردی ائدهبیلمهیهجکلرینی بیلدیردی.
سوریهده روسیا ایله امکداشلیغین هله مومکون اولوب اولمادیغینین سوروشولماسی اوزرینه اسپایسر،
"داعشله مباریزه اوچون حاضرلانان پلان هله باشا چاتمیش دئییل. ساوونما باخانی متیس آنا پرینسیپلر اوزرینه بیلگی وئردی، آنجاق پلان اوزریندکی ایشلر داوام ائدیر. بو سببدن بو آندا بیر اؤلکهنی گؤز آردی ائدهبیلمرم. داها اول پرزیدنت دونالد ترامپ، ترور هؤرگوتو داعشی مغلوب ائتمه قونوسونداکی تعهدوموزو پایلاشان هر هانسی بیر اؤلکه ایله اورتاق قایغیلار اطرافیندا چالیشابیلهجگیمیزی دیله گتیرمیشدی و بیز ده ائله ائدجییک" دئدی.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب