هلند-ین قالماقال‌لی موقعینه دونیادان رئاکسیالار داوام ائدیر
عراق،میصر و موریتانی-نین بعضی سیاسی و آنالیستلری هلند-ین تورکیه‌لی ناظیرلره مانع اولما‌لارینا رئاکسیا گؤستردیلر.
عراق،میصر و موریتانی-نین بعضی سیاسی و آنالیستلری هلند-ین تورکیه‌لی ناظیرلره مانع اولما‌لارینا رئاکسیا گؤستردیلر.
عراق-ین سابیق جمهور باشقان یاردیمجیسی تاریک الهاشمی اؤزونون تویتر حسابیندا هلند-ین موقعی‌نین توتالیتار رژیم‌لرین رفتاری اولدوغونو بیل‌دیره‌رک دئدی کی، تورکیه حکومتی‌نین آنایاساداکی دییشیک‌لیک‌لری خالقا آنلاتماق مقصدی ایله گؤستردیگی فعالیت‌لر دئموکراتیک‌دیر. بعضی آوروپا اؤلکه‌لرینده تطبیق ائدیلن فشارلار ایسه آنجاق توتالیتار رئژیم‌لرین رفتارلاری ایله ایضاح ائدیله بیلر.
عراق-لی اوزمان و آنالیست اییاد اد دیلیمی ایسه هلند-ین موقعی ایله باتی‌نین دئموکراسی و خالقین ایراده‌سینه حؤرمت ادعا‌لاری‌نین ساختا‌لیغی‌نین اورتایا چیخدیغینی قئید ائتدی.
میصرده انقلابین گلجیی پارتیسی‌نین لیدئری و سابیق پرزیدنت نامیزدی ایمن نور دا هلند کیمی دئموکراسی و آزادلیق‌لارا دستک وئردیگی ادعاسینی ایره‌لی سورن بیر اؤلکه‌نین بو جور رفتار اورتایا قویماسینی تأسفله قارشیلادیق‌لارینی سؤیله‌دی.
موریتانی ده کی 14 پارتی‌نین بیر آرادا اولدوغو میللی دئموکراتیک و بیرلیک فورومونون رهبرلرین‌دن اک ولد اددی آنادولو خبر آژانسینا وئردیگی آچیقلامادا هلند-ین قالماقال‌لی بو رفتارینی، "تورکیه‌نین اینکیشافینا مانع اولماق اوچون ائدیلن غریبه بیر انگل" اولا‌راق دیرلندیردی.
بحرین-ین سابیق میللت وکیل‌لرین‌دن خالد ابو عمار ایسه بیلدیردی کی، تورکیه-نی ایسلام علیهینه اولان آوروپا ایله قارشی-قارشییا قویماق مقصدی ایله حیاتا کئچیریلن، آنجاق الله‌ین ایزنی ایله اوغورسوز اولا‌جاق بو رفتارلارا قارشی تورکیه ایله دایانیشما ایچینده‌یم.
هلند-ین قالماقال‌لی رفتارینا سودان-دا رئاکسیا گؤستردی.
سودان عالیم‌لر هئیتی‌نین صدری محمد عثمان صالح بیلدیردی کی، تورکیه‌ده دئموکراسی‌نین گوجلندیریلمه‌سی اوچون گؤستریلن جهدلر آوروپادا دئموکراسی دئیه چاغیرانلاری خوشبخت ائتمه‌دی.
سودان خالق کنگرسی پارتیسی‌نین سیاسی کاتیبی کمال عمر ده آوروپا بیرلیگی ایله بیرلشمیش میللتر تشکیلاتی-نی هلند-ین دوشمنجه‌سینه اورتایا قویدوغو بو رفتارینا قارشی قرارلی موقع گؤسترمه‌یه دعوت ائتدی.
ایلگیلی‌لی خبرلر
شیمالی کره‌‌دن ناتویا تپکی
"ناتو، آمریکا بیرلشمیش دؤولتلرینین ساواش واسطه‌سیندن باشقا بیر شئی دئییل"
