ویکی‌لیکس یئنه دونیانی چالخالادی
سون ویکی‌لیکس بلگه‌لرینه گؤره سی‌آی‌ای‌ین بیلگی‌سایارلار، تلویزیونلار، جیب تلفن‌لاری، الکترونیک پوست واسطه‌سیله جاسوسلوق ائتدیگی ادعا ائدیلیر
ویکی‌لیکس‌‌ین سون یاییملادیغی سندلر دونیا گوندمینده ایلک سیرادا .
آمریکا مرکزی خبر آلما تشکیلاتی سیانین عملیات‌لاریندا اینسان حیاتینی آسانلاش‌دیران عاغیل‌لی جیهازلار واسطه‌سیله جاسوسلوق ائتدیگی اورتایا چیخدی.
سون ویکی‌لیکس بلگه‌لرینه گؤره سی‌آی‌ای‌ین بیلگی‌سایارلار، تلویزیونلار، جیب تلفن‌لاری، الکترونیک پوست واسطه‌سیله جاسوسلوق ائتدیگی ادعا ائدیلیر.
بوتون بو عملیات‌لارین آلمانیانین فرانکفورت شهرین‌دکی آمریکا کونسوللوغوندان ایداره اولوندوغو و 5 مین هکرین قوللانیلدیغی دا ادعا ائدیلیر.
آمریکا‌لی‌لار هم بو ایزله‌مه و دینلمه‌نین نئجه ائدیلدیگینی، هم ده 8 مین 761 سندین نئجه سیزدیریلدیغینی دارتیشیر.
سندلرده هله آمریکا‌لی‌لارین دا دینله‌نیلدیگی و یا ایزله‌نیلدیگینی دایر بیر تاپقییا راستلانما‌دی.
سیزینتی‌لارین گئرچک اولوب اولمادیغی، گئرچک‌دیرسه کیم طرفین‌دن سیزدیریلدیغی ایله ایلگیلی اف‌بی‌آی سوروشدورماسی داوام ائدیر.
