اوکراین و روسیا آراسین‌داکی پاسپورت گرگین‌لیگی داوام ائدیر
اوکراین دولت باشقانی پترو پوروشنکو، روسیانین، اؤلکه‌نین شرقین‌دکی بؤلوچو‌لرین پاسپورت، دوغوم-اؤلوم کیمی مختلیف سندلرینی تانیماسینا قارشی روسیایا تطبیق اولونان تحریم‌لرین آرتیریلماسینی ایسته‌دی
اوکراین و روسیا آراسین‌داکی پاسپورت گرگین‌لیگی داوام ائدیر.
اوکراین دولت باشقانی پترو پوروشنکو، روسیانین، اؤلکه‌نین شرقین‌دکی بؤلوچو‌لرین پاسپورت، دوغوم-اؤلوم کیمی مختلیف سندلرینی تانیماسینا قارشی روسیایا تطبیق اولونان تحریم‌لرین آرتیریلماسینی ایسته‌دی.
پترو پوروشنکو، اینسانی یاردیم و بحران رهبرلیگین‌دن مسئول آوروپا بیرلیگی کومیساری کریستوس استیلیانیدس ایله گؤروشدو.
مینسک راضیلاشماسی‌نین داواملی پوزولدوغونو سؤیله‌ین اوکراین لیدری پوروشنکو، بین الخالق حقوقا گؤره بؤلوچو‌لرین وئردیگی سندلری تانیمانین سؤز موضوعسو غیری-قانونی میدانا گلمه‌سی دا تانینماسی آنلامینا گلدیگینه دقت چکدی.
پوروشنکو، روسیایا قارشی تحریم‌لرین گوجلندیریلمه‌سینی ایسته‌دی.
روسیا دولت باشقانی پوتین، هفته سونو اوکراین‌ین شرقینده بؤلوچو‌لرین نظارتی آلتین‌داکی دونباس بؤلگه‌سینده یاشایان‌لارین پاسپورت، دوغوم-اؤلوم کیمی مختلیف سندلری‌نین روسیادا قبول ائدیلمه‌سینی نظرده توتان بیر فرمان ایمضالامیشدی.
کرملین مطبوعات دمیتری پسکوو، قرارنامه‌نین مینسک موقاویله‌سینه ضد اولمادیغینی ساوونموشدو.
